Síðdegisútvarpið

2.janúar

Landinn settist niður eins og alltaf á gamlárskvöld og horfði á Áramótaskaupið. En hvað fannst hlustendum okkar um skaupið í ár ? Við opnum fyrir símann á eftir og vonumst til að heyra í ykkur og fá að heyra ykkar skoðun.

Jón Gunnarsson þingmaður Sjálfstæðisflokksins verður á línunni hjá okkur í þættinum en hann gagnrýnir aðgerðarleysi ríkisstjórnarinnar í orkumálum en orkuskortur blasir við að hans mati ef ekkert verður að gert. Hann segir forsætisráðherra enn og einu sinni reyna að tefja málið með tali um að móta orkustefnu til framtíðar. Þá segir Jón að hann beri ekkert traust til ríkisstjórnarinnar. Við tölum við Jón á eftir.

Ekki er útlit fyrir að hægt verði að aflétta rýmingu í Seyðisfirði í dag, en ekki er talið að til frekari rýmingar komi. Flóð hafa fallið í öðrum fjörðum eystra, en þó ekki í byggð. Við ætlum að hringja austur og heyra í Hildi Þórisdóttur íbúa á Seyðisfirði og sveitastjórnarfulltrúa í Múlaþingi og spyrja hana út í stöðuna í bænum og hvernig bæjarbúar hafi það við þessar aðstæður.

Síðar í vikunni nánar tiltekið á fimmtudaginn verður aðgengileg á Sjónvarpi Símans ný leikin íslensk þáttaröð sem nefnist Kennarastofan. Hugmyndasmiður þáttanna Jón Gunnar Geirdal kemur til okkar á eftir ásamt Valdimar Víðissyni skólastjóra og verðandi bæjarstjóra í Hafnarfirði en serían er að stórum hluta byggð á hans karakter. Við fræðumst meira um þetta hér á eftir þegar þeir Jón og Valdimar kíkja í heimsókn.

Á dögunum birti Ragga Nagli mynd af morgunrútínu barnlauss áhrifavalds og með myndinni ráðlagði hún fólki að stinga eyrantöppum í eyrun og hlaupa eins hratt og það gæti næst þegar að barnlaus kornungur einkaþjálfari með sveigjanlegan vinnutíma segði því að tileinka þér heilsusamlegri morgunrútínu. Flest fólk sé nú yfir höfuð bara að reyna að lifa morguninn af og ætti því ekki að vera of gagnrýnið á sjálft sig. Við ætlum að slá á þráðinn til Röggu á eftir, svona í upphafi árs og heyra í henni hljóðið, en þetta er sá árstími sem fólk á til að setja sér háleit markmið fyrir nýja árið, jafnvel svo háleit að erfitt er að standa við þau.

En við byrjum á þessu: Flughálka er víða um land og það sama á við hér á höfuðborgarsvæðinu þar sem erfitt er fyrir gangandi vegfarendur að komast leiða sinna. Hjalti J Guðmundsson stjórnandi reksturs og umhirðu borgarlandsins er á línunni hjá okkur.

Frumflutt

2. jan. 2024

Aðgengilegt til

1. jan. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.