Síðdegisútvarpið

Brotthvarf úr háskóla vegna styttingar framhaldsskóla,ferðasaga frá Kenýa og geðheilbrigði bænda

Sú ákvörðun að stytta framhaldsskólann virðist hafa haft slæm áhrif á einkunnir ungmenna í háskóla, sem og þann fjölda eininga sem teknir eru í háskóla og brotthvarf. Líklegra er að breytingin hafi haft slæm áhrif á drengi en stúlkur. Tinna Laufey Ásgeirsdóttir, prófessor við hagfræðideild Háskóla Íslands, rannsakað áhrif styttingar framhaldsskólanna á ungmenni í háskóla með Gylfa Zoega prófessor og doktorsnemanum Gísla Gylfasyni og hún kemur til okkar á eftir og segir okkur betur frá helstu niðurstöðum.

Ný rannsókn bendir til þess að bændur finni frekar til einkenna streitu og þunglyndis en aðrir. Bændasamtök Íslands og Rannsóknarmiðstöð Háskólans á Akureyri stóðu að rannsókninni, með styrk frá Byggðarannsóknasjóði, og fengu bændur til þess að svara spurningum um störf sín og geðheilbrigði. Við ætlum að heyra í Báru Elísabet Dagsdóttur sérfræðingi hjá Rannsóknarmiðstöðinni á eftir og fá hana til að fara yfir helstu niðurstöður rannsóknarinnar með okkur.

Strax að loknum fimm fréttum fáum við til okkar Einar Þór Jónsson framkvæmdastjóra HIV Íslands en hann er nýkominn heim frá Kenýa og við hringdum í hann og báðum hann að kíkja við hjá okkur í Síðdegisútvarpið og segja okkur söguna af þessu framandi ferðalagi.

Í dag komu í spilara RÚV þættir sem heita Skaði. En þetta eru fjórir þættir sem unnir eru í samstarfi Fréttastofu RÚV og Rásar 1 og er þar verið að taka fyrir ópíóíða og það þegar að landlæknisembættið takmarkaði starfsleyfi Árna Tómasar Ragnarssonar gigtalæknis fyrir að skrifa upp á slík lyf fyrir sjúklinga sína. Pétur Magnússon fréttamaður er umsjónarmaður þáttanna og hann kemur til okkar á eftir.

Þór Breiðfjörð kemur til okkar og segir okkur frá glænýjum íslenskum rokksöngleik sem heitir Hark og verður frumsýndur á næstu dögum.

En á línunni hjá okkur er Björn Malmquist okkar maður í Brussel sem að þessu sinni er staddur á Kastrup.

Frumflutt

21. feb. 2024

Aðgengilegt til

20. feb. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.