Síðdegisútvarpið

Síðdegisútvarpið 28. desember

Mikill fjöldi fólks lagði leið sína í Bláfjöll í gær en talið er að allt að fimm þúsund gestir hafi sótt svæðið heim og farið þar á skíði. Bílaröð myndaðist sem náði um tíma til Reykjavíkur og voru langar raðir í miðasölu og lyftur. Einhverjir kvörtuðu undan skipulagsleysi og troðningi. Magnús Árnason framkvæmdastjóri skíðasvæðanna verður á línunni hjá okkur á eftir og við spyrjum hann útí gærdaginn og hvað verði gert til að koma í veg fyrir að svona ástand skapist aftur.

Ný gjaldskrá Vaðlaheiðarganga tekur gildi um áramótin og hækkar gjaldið fyrir hverja staka ferð en einnig á kortum sem keypt eru með magnafslætti. Valgeir Bergmann framkvæmdastjóri Vaðlaheiðarganga verður á línunni hjá okkur og við spyrjum hann út í fyrirhugaða hækkun og ræðum við hann almennt um þessi 7,5 kílómetra löngu göng sem liggja á milli Eyjafjarðar og Fnjóskadals og tekin voru í notkun fyrir fimm árum síðan.

Húsó heitir glæný íslensk þáttaröð sem hefst hér á RÚV að kvöldi nýársdags. Þar kynnumst við ungri konu, henni Heklu, sem hefur farið ítrekað út af sporinu frá unglingsaldri og til þess að koma henni inn á beinu brautina er hún skráð til náms í Hússtjórnarskólanum í Reykjavík. Leikstjórinn Arnór Pálmi Arnarson og aðalleikkonan Ebba Katrín Finnsdóttir segja okkur frá þessum spennandi þáttum sem leiða okkur inn í nýja árið.

Flugeldasala björgunarsveitanna fer nú að hefjast víða um land og áramótabrennur víða fyrirhugaðar. Okkur liggur á forvitni að vita hvort hugur landsmanna gagnvart flugeldum sé að breytast að ráði og hvort flugeldasalan sé að minnka. Við hringjum í Ómar Örn Sigmundsson í björgunarsveitinni Tindum í Hnífsdal og heyrum bara almennt af stemningunni þar.

Á morgun ætlar vaskur hópur að arka upp Esjuna í ferð sem ber yfirskriftina Áfram Klara en þær sem standa fyrir göngunni eru meðal annarra frænkur Klöru litlu sem hefur tekist á við stórar áskoranir eftir hoppukastalaslysið á Akureyri sumarið 2021. Þær ætla að gleðjast með gönguhrólfum í lok göngu og njóta veitinga og sömuleiðis safna áheitum fyrir Klöru. Auðbjörg Björnsdóttir er ein þeirra sem ætlar að reima á sig gönguskóna á morgun og við heyrum í henni hér á eftir.

En við byrjum á veðrinu, hvernig er spáin næstu daga og hvernig mun viðra á gamlársdagskvöld þegar við kveðjum gamla árið og tökum á móti því nýja. Teitur Arason veðurfræðingur hjá Veðurstofu Íslands er á línunni hjá okkur.

Frumflutt

28. des. 2023

Aðgengilegt til

27. des. 2024

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.