Síðdegisútvarpið

Síðdegisútvarpið 8. desember

Það eru þau Hrafnhildur og Kristján Freyr sem sjá um Síðdegisútvarpið og ekki laust við að í þeim blundi smá föstudagur í dag!

Á morgun verða haldnir tónleikar Sinfóníuhljómsveitar Suðurlands í íþróttahúsinu Þykkvabæ - það væri nú ekki í frásögur færandi nema hvað að kvenfélagið Sigurvon í Þykkvabæ sér um kaffihlaðborðið og það er nú ekki af verri endanum. Við heyrum í Birnu Guðjónsdóttur formanni kvenfélagsins.

Nú er vitaskuld tími samveru meðal fjölskyldunnar og vina á aðventunni og eitt af því sem gaman er að gera saman er að horfa á góða jólamynd. Nú eru sjónvarpsveiturnar uppfullar af jólabíói og einnig eru kvikmyndahúsin að sýna margar af klassísku jólamyndum síðustu ára. Hugleikur Dagsson er annálaður kvikmyndaunnandi og jólabarn og hann ætlar að deila með okkur hvaða jólamyndir rata allataf í tækið hjá honum og hans vinum og fjölskyldu.

Það standa yfir miklar framkvæmdir á veitu - og lagnakerfum í Grindavík. Við tökum stöðuna með Fannari Jónassyni bæjarstjóra, spyrjum hann út í stöðu mála og ýmislegt fleira sem tengist Grindavík og Grindvíkingum.

Í Bláfjöllum er allt á fullu við að framleiða snjó og veðrið hér á suðvesturhorninu hefur verið nýtt til hins ítrasta til þeirrar framleiðslu. En hvernig gengur og hvenær megum við búast við því að geta smellt á okkur skóna og skíðin? Einar Bjarnason rekstrarstjóri í Bláfjöllum segir okkur allt um það.

Stórsöngvarann Valdimar Guðmundsson þarf vart að kynna en hann hefur verið einn þekktasti og dáðasti söngvari landsins undanfarinn áratug. Valdimar stendur í stórræðum þessa dagana rétt eins og margt tónlistarfólk og heldur sína árlegu jólatónleika í Eldborgarsal Hörpu um helgina auk þess sem hann hefur ferðast yfir landið þvert og endilangt með hljómsveitinni Lón. Við ætlum að stela Valdimar í smá föstudagsspjall undir lok þáttar og mögulegt að félagar hans í Lón-tríóinu komið með, vopnaðir hljóðfærum.

Vinnslustöðin í Vestmannaeyjum hefur keypt búnað sem breytir sjó í drykkjarvatn. Fyrsti gámurinn er væntanlegur til landsins fljótlega og verður hann notaður til að tryggja hitaveituna í bænum. Sigurgeir Brynjar Kristgeirsson framkvæmdastjóri Vinnslustöðvarinnar verður á línunni hjá okkur.

Frumflutt

8. des. 2023

Aðgengilegt til

7. des. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.