Síðdegisútvarpið

5.október

Við höfum fjallað uppá síðkastið um villta laxastofnin í ám landsins og eldislaxinn sem sloppið hefur úr sjókvíum og synt upp árnar. Matvælaráðherra birti heildstæða stefnu um uppbyggingu og umgjörð lagareldis og þar með sjókvíaeldis á dögunum og þar kemur fram að stefnt sé að því að herða kröfurnar og skýra rammann utan um greinina. Á laugardaginn verður haldinn á Austurvelli samstöðufundur gegn sjókvíaeldi. Gunnar Örn Petersen framkvæmdastjóri landssambands veiðifélaga kemur til okkar á eftir og við ræðum við hann nýjustu vendingar í þessu máli og spyrjum hann útí fundinn.

Í gær héldu Píeta samtökin málþing til að kynna splunkunýjar upplýsingar sem unnar voru nafnlaust úr tölfræði samtakanna allt frá upphafi starfseminnar 2018.

Þar kom m.a. fram hvaða þjóðfélagshópar það eru sem sækja þjónustu samtakanna auk þess sem niðurstöður rannsóknarinnar benda ótvírætt til þess að það eru mjög afgerandi tengsl milli ákveðna þátta í lífi skjólstæðinga í sjálfsvígshættu. Tómas Kristjánsson sáflræðingur og fræðslustjóri samtakanna er einn þeirra sem þarna kom fram en erindi hans bar yfirskriftina Hvers virði er mannslíf? Tómas kemur til okkar á eftir og segir okkur frá.

Háir stýrivextir leggjast þungt á bændur sem eru skuldsettir og var staðan þung fyrir vegna hækkunra á aðfangsverði og verðbólgu. Haft er eftir Rafni Bergssyni formanni félags nautgripabænda og bónda í Hólmahjáleigu að meðal nautgripabú í rekstrarvefkefni Ráðgjafamiðstöðvar landbúnaðarins hafi skuldað rúmar 120 milljónir á síðasta ári. Við í Síðdegisútvarpinu ætlum að ræða stöðuna í stéttinni við Steinþór Loga Arnarsson bónda í Stóra-Holti hér á eftir.

Hefur þig alltaf langað til að prófa gámadýfingar en ert kannski ekki alveg viss um hvar skal byrja? Langar þig til þess að vera umhverfisvæn/n/t og spara pening samtímis? Í Gerðubergi í gær og það voru þau Eyrún Þóra Guðmundsdóttir og Hlynur Steinsson reyndir gámadýfingamenn sem buðu upp á kynningu á gámadýfingum og í lokin var boðið upp á léttar veitingar, beint úr gámunum. Sigga Dögg kynfræðingur var ein þeirra sem þangað mætti og hún kom út með ótal hugmyndir og ótal spurningar sem hún ætlar að deila með okkur hér á eftir. Og eins og alltaf á fimmtudögum kíkir Atli Fannar Bjarkason til okkar og fer í MEME vikunnar. Sjálfstæð og óháð nefnd sem Reykjavíkuborg skipaði til að rannsaka starfsemi vöggustofa í Reykjavík kynnti skýrslu sína í dag. Nefndin kemst að þeirri niðurstöðu að á vöggustofum sem reknar voru á árunum 1949-1973 hafi börn sætt illri meðferð. Viðar Eggertsson varaþingmaður Samfyl

Frumflutt

5. okt. 2023

Aðgengilegt til

4. okt. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.