Síðdegisútvarpið

3.nóvember

Yfir 800 skjálftar hafa mælst á Reykjanesskaga frá miðnætti og yfir tíu þúsund frá því skjálftahrinan hófst 25. október norðan við Grindavík. Við ætlum að setja okkur í samband við Almannavarnir á eftir útaf stöðunni og heyra í Sólberg Bjarnasyni deildarstjóra Almannavarna.

Orkan úr eldhúsinu er nýtt samstarfsverkefni Veitna og Sorpu sem miðar að því að endurnýta afgangsolíu úr eldhúsinu og vernda lagnir heimilisins. Freyr Eyjólfsson verkefnastjóri hringrásahagkerfis hjá Sorpu og Jón Trausti Kárason forstöðumaður vatns og fráveitu hjá Veitum vita allt um málið og þeir koma til okkar í Síðdegisútvarpið á eftir.

Öll þekkjum við það að fara með hópi fólks út að borða og flest könnumst við við vandræðaganginn þegar kemur að þvðí að gera upp reikninginn. Albert Eiríksson matgæðingur og lífskúnstner veit svarið við því hvernig við getum gert okkur þetta auðveldara, bæði fyrir hópinn og veitingastaðinn. Við hringjum í Albert austur í Breiðdal þar sem hann er staddur.

Við ætlum að beina sjónum okkar að andlegri heilsu, hamingju og jákvæðni á þessum föstudegi þegar dynja á okkur fréttir af stríðsátökum og jarðhræringum. Héðinn Sveinbjörnsson er Chief happiness officer en hann vakti athygli í þættinum Svona erum við sem var á dagskrá RÚV í gær en þar var fjallað um hamingju landans í víðu samhengi. Héðinn ætlar að koma til okkar og fræða okkur um það hvernig við getum aukið hamingju okkar og notið lífsins á þessum síðustu og verstu.

Stærsta hugleiðsla Íslandssögunnar fer fram í næstu viku og til að segja okkur betur frá koma þau Guðmundur Arnar Guðmundsson og Agnes Andrésdóttir sem er í forsvari fyrir þetta verkefni hjá Hofinu en Hofið er jafvægissetur sem vinnur að því að bæta geðheilbrigði starfsfólks á vinnustöðum.

En við byrjum á þessu. Páll Valur Björnsson íbúi í Grindavík er einn þeirra sem vaknaði upp við skjálftana í nótt og sagði hann frá því á feisbúkk síðu sinni að hann hefði aldrei á síðustu árum fundið fyrir svona áköfum og staðbundnum skjálftum og hann er á línunni.

Frumflutt

3. nóv. 2023

Aðgengilegt til

2. nóv. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.