Síðdegisútvarpið

11.ágúst

Yrsa Sigurðardóttir rithöfundur verður föstudagsgestur þáttarins að þessu sinni. Við spyrjum hana út í hvað hún hafi verið að bralla í sumar og forvitnumst um bókina sem hún er að skrifa en auk þess ætlum við að spyrja hana útí kvikmyndina Kulda sem kemur í bíóhús í byrjun september en myndin er byggð á samnefndri bók eftir Yrsu.

Ragnheiður Ósk Erlendsdóttir framkvæmdastjóri hjúkrunar hjá Heilsugæslu höfuðborgarsvæðisins verður á línunni hjá okkur á eftir en það er nokkuð um það að fólk sé að fá Covid og við ætlum að spyrja hana aðeins út í það.

Jóhann Alfreð og Steiney hafa verið að ferðast um landið með Hljóðvegi 1. Við setjum okkur í samband við Steineyju á eftir.

Birkir Blær Ingólfsson handritshöfundur og tónlistarmaður kemur hingað í Efstaleitið á eftir en um þessar mundir er verið að taka upp aðra seríu af Ráðherranum með Ólafi Darra í aðalhlutverki. Birkir Blær er annar þeirra sem skrifar handrit þáttanna og við ætlum aðeins að spyrja Birki út í gang mála. Það er nóg að gera hjá Birki Blæ þessa dagana en hann var að stofna jazz hljómsveit og við spyrjum hann út í það og fáum að heyra smá jazz tóna frá Böss.

Á Hinsegin dögum um helgina, nánar tiltekið í kvöld verður Drag djók í Gamla bíó þar sem meðal annars Black Peppa og Danny Beard úr RuPaul's Drag Race UK koma fram. Við ætlum að heyra í Agöthu P á eftir og fá frekari upplýsingar um þetta.

Og svo ætlum við að forvitnast um Hvanneyrarhátíðina sem verður haldin á morgun, við hringjum í Borgarfjörðinn síðar í þættinum.

En við ætlum að byrja á Dalvík, þar sem að hátíðin Fiskidagurinn Mikli fer fram nú um helgina og á línunni hjá okkur er Friðrik V yfirkokkur sem er að undirbúa stórveislu.

Frumflutt

11. ágúst 2023

Aðgengilegt til

10. ágúst 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.