Síðdegisútvarpið

4.október

Í fréttaskýringaþættinum Kveik í gær var fjallað um neyslu á ópíóiðum hér á landi og tveimur ungum mönnum fylgt eftir og saga þeirra sögð. Í þættinum kemur fram að fjölmargir létust af völdum ofneyslu á ópíóíðum hér á landi á fyrstu sex mánuðum þessa árs. Á sama tíma eru langir biðlistar í meðferð og tekið dæmi um að 100 manns séu á biðliðsta eftir að komast í meðferð í Krísuvík. Við ætlum að ræða við Önnu Hildi Guðmundsdóttur formann SÁÁ hér á eftir, fara yfir stöðuna með henni og spyrja hana út í hvaða úrræði séu í boði fyrir þennan hóp fólks.

Sigurður Sigurðsson og Hildur Halldórsdóttir sérfræðingar hjá Heimili og skóla koma til okkar á eftir til að segja frá Farsældarsáttmálanum sem er partur af viðameira verkefni sem hefur verið í gangi frá upphafi árs, það snýr að endurreisn foreldrastarfs í þágu farsældar barna. Meira um það á eftir.

FKA (Félag kvenna í atvinnulífinu ) Suðurnes, er að halda Landsbyggðarráðstefna FKA í Reykjanesbæ næstkomandi föstudag.Yfirskrift ráðstefnunnar er í krafti kvenna, þar er markmiðið að fanga þá orku og eljusemi sem konur á Suðurnesjum og landsbyggðinni búa yfir og sýna það í þátttöku á þróun samfélagsins sem þær búa í og þeim verkefnum sem þær taka sér fyrir hendur. Fida Abu Libdeh forstjóri GEO Silica veit allt um málið.

Kóligerlamengun uppgvötaðist nýlega í neysluvatni íbúa á Borgarfirði Eystri. Ekki er vitað til þess að slík mengun hafi áður komið upp á Borgarfirði og kom þetta íbúum þess vegna í opna skjöldu. Við setjum okkur í samband við Aðalstein Þórhallsson framkvæmdastjóra HEF veitna.

A! er fjögurra daga alþjóðleg gjörningahátíð sem haldin er árlega, nú í sjöunda sinn. Fjölbreyttir gjörningar og leikhústengd verk af öllum toga eru á dagskránni.Á ýmsu hefur gengið í aðdraganda hátíðarinnar, Guðrún Þórsdóttir veit allt um það, enda innsti koppur í búri. Við heyrum í henni á eftir.

En við byrjum á okkar manni, það er Björn Malmquist í Brussel sem segir okkur nýjustu fréttir þaðan auk þess sem hann ræðir við Stellu Vestmann um framkvæmdir á dómshöllinni í Brussel.

Frumflutt

4. okt. 2023

Aðgengilegt til

3. okt. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.