Síðdegisútvarpið

5. júlí

Jörð skelfur og svipar skjálftahrinunni sl. sólarhring til aðdraganda eldgosa á Reykjanesskaga sl. ár. Íbúar Grindavíkur eru ýmsu vanir í þessum efnum en við slógum á þráðinn til Fannars Jónassonar bæjarstjóra og heyrðum aðeins af því hvernig Grindvíkingum varð við og til hvaða ráðstafana hefur verið gripið nú þegar brakar og brestur í bæjarstæðinu.

Við fjölluðum um skaðsemi nikótínpúða og rafsígaretta og heyrðum í Láru G. Sigurðardóttur lækni og doktor í lýðheiluvísindum. Mikill fjöldi fólks og þá sérstaklega ungs fólks notar nikótínpúða daglega og hefur þeim fjölgað mikið milli ára. Rannsóknir hafa sýnt fram á skaðsemi nikotín notkunar og þá sérstaklega hjá börnum og ungmennum en í nýrri skýrslu sérfræðings í tóbaksvörnum við Kaupmannahafnarháskóla kemur fram að notkunin hefur meðal annars áhrif á taugastarfsemi og taugaþroska. Við heyrðum í Láru.

Vinaverkefni Rauða krossins miða að því að draga úr félagslegri einangrun og auka við félagslega þátttöku fólks. Hlutverk sjálfboðaliða í verkefninu er fyrst og fremst að veita félagsskap, nærveru og hlýju. Guðrún Svava Viðarsdóttir verkefnastjóri vinaverkefna hjá Rauða krossinum kíkti til okkar og sagði okkur frá Gönguvinum og fleiru.

Sagan segi að upphaflega hafi Cirkus átt að vera húðflúrstofa en óvart breyttust plönin og opnuð var auglýsingastofa í staðinn. Það er kannski þess vegna sem að nú hefur verið kynnt til sögunnar Pop-up Tatto Studio Cirkus sem starfrækt er þessa dagana. Þar mun listakona að nafni Kosmonatka flúra gesti og gangandi en sá sem veit miklu meira um málið heitir Haukur Viðar Alfreðsson og hann kom til okkar.

Visteyri er heiti á vistvænu markaðstorg þar sem þú getur keypt og selt notaðar vörur á einfaldan og öruggan hátt. Markmiðið með torginu er að stuðla að hringrásarhagkerfi þar sem allir geta tekið þátt. Vilborg Ásta Árnadóttir og Elfa Rós Helgadóttir sögðu okkur meira af þessu.

En við byrjuðum á að heyra í Birni Malmquist fréttamanni í Brussel.

Tónlist:

SILKIKETTIRNIR - Ekki vera viss.

Robert Plant & Alison Krauss - Gone Gone Gone (Done Moved On).

BJÖRK OG DAVID ARNOLD - Play Dead.

THE PRETENDERS - Brass In Pocket.

FOSTER THE PEOPLE - Pumped up kicks.

MUGISON - Stóra stóra ást.

SIGRID - A Driver Saved My Night.

DANIIL & FRIÐRIK DÓR - ALEINN.

NANNA - Disaster master.

LENNY KRAVITZ - Low.

FJALLABRÆÐUR, SVERRIR BERGMANN & LÚÐRASVEIT VESTMANNAEYJA - Þar sem hjartað slær (Þjóðhátíðarlagið 2012).

Frumflutt

5. júlí 2023

Aðgengilegt til

4. júlí 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.