Síðdegisútvarpið

30.október

Fréttir af karlmanni á áttræðisaldri, sem flytja átti með sjúkraflugi frá Vopnafirði til Reykjavíkur en fékk ekki að fara í flugið því hann var sagður of þungur hafa vakið spurningar varðandi öryggi og aðgengi fólks á landsbyggðinni að viðeigandi heilbrigðisþjónustu. Leyfileg hámarksþyngd sjúklinga í sjúkraflugi væri 135 kíló en maðurinn er í kringum 150 kíló. Þegar hann komst loks undir læknishendur á Landsspítala höfðu liðið 10 klukkustundir frá því að hann hneig niður á heimili sínu. Forsvarsmaður Mýflugs sem annast sjúkraflug hér á landi segir þetta ekki einsdæmi. Bjarkey Olsen formaður Velferðarnefndar og þingmaður VG í norðausturkjördæmi ræðir við okkur. Íbúar Vesturbyggðar og Tálknafjarðarhrepps samþykktu fyrir helgina sameiningu sveitarfélaganna með afgerandi meirihluta. Í vor verða svo sveitarstjórnarkosningar í nýju sameinuðu sveitarfélagi þar sem ný sveitarstjórn verður kosin. Þá telst nýtt sveitarfélag vera stofnað. Þórdís Sif Sigurðardóttir, bæjarstjóri í Vesturbyggð segir okkur frá næstu skrefum. Sem kunnugt er sat Ísland hjá í atkvæðagreiðslu á neyðarfundi Sameinuðu þjóðanna á föstudag um vopnahlé Ísraela og Hamas.120 ríki greiddu atkvæði með ályktuninni, 14 gegn henni og 45 sátu hjá. Hvað var það sem tekist var á um á þessum neyðarfundi Sameinuðu þjóðanna, hvaða þýðingu hefur ályktunin og þarf utanríkisráðherra samráð áður en slík ákvörðun er tekin á alþjóðavettvangi. Baldur Þórhallsson stjórnmálafræðingur verður á línunni hjá okkur á eftir.

Iceland Airwaves hátíðin hefst á miðvikudaginn þar sem rjómi íslenskrar tónlistarflóru kemur fram auk fjölda erlends tónlistarfólks. Samhliða hátíðinni verður haldinn vinnudagur undir yfirskriftinni Innovation Waves þar sem ætlunin er að kynna, ræða og dýpka áfram ólík verkefni sem unnin eru af einstaklingum sem starfa í umgjörð tónlistar á Íslandi. Hrefna Helgadóttir verkefnastjóri hjá Útflutningsstofu íslenskrar tónlistar veit allt um vinnudaginn og kemur til okkar. Sveitarfélagið Skagafjörður hefur auglýst eftir umsjónarmanni með eyjunni Málmey sem er stærsta eyja Skagafjarðar. Sigfús Ingi Sigfússon sveitarstjóri í Skagafirði verður á línunni hjá okkur og við spyrjum hann út í hvað felist í starfinu. Allt bendir til kvikusöfnunar á Reykjanesskaga og hingað er komin Kristín Jónsdóttir jarðskjálftafræðingur til að segja okkur frá stöðunni.

Frumflutt

30. okt. 2023

Aðgengilegt til

29. okt. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.