Síðdegisútvarpið

Síðdegisútvarpið 27. desember

Hlín Agnarsdóttir rithöfundur býr í Uppsölum í Svíþjóð en þar hélt hún sín fyrstu sænsku jól við ætlum að heyra í henni hvernig það gekk allt saman fyrir sig.

Senn líður að nýju ári og þá hafa margir lofað sér að taka upp nýja og betri siði. Hjá sumum er það hefð að henda sér í sjóinn á þessum fyrsta degi ársins. Í Nauthólsvík ætla hraustir einstaklingar að hittast í sparifötum og grímubúningum á nýársdag og dýfa sér út í hrímkalt hafið. Herdís Anna Þorvaldsdóttir sjósundskempa ætlar að kíkja til okkar og segja okkur frá uppátækinu.

Lögreglan á Vestfjörðum sendi frá sér tilkynningu fyrir jólin en þar koma fram að rannsókn vegna slysasleppingar eldislax hjá Arctic Fish væri hætt. Elvar Örn Friðriksson er framkvæmdastjóri verndarsjóðs villtra laxastofna hann kemur til okkar á eftir og fer yfir þau mál með okkur, auk þess sem nýtt frumvarp um fiskeldi sem er komið í samráðsgátt og við ræðum það einnig við Elvar.

Önnur hefð sem er heilög hjá mörgum landsmönnum er jólafrumsýning Þjóðleikhússins á annan í jólum. Í gær var það Snorra-Edda sem rataði á svið í leikstjórn Þorleifs Arnar Arnarssonar. Hugmyndaheimur goðafræðinnar birtist á sviðinu á nýstárlegan, frjóan og ögrandi hátt eins og leikstjóranum einum er lagið. Þorleifur ætlar að kíkja til okkar, vonandi lentur eftir standandi lófaklapp.

Við byrjum á líkamlegri næringu og andrými með Sigríði Ásgeirsdóttur sem stendur fyrir jóga og dansstund í Kramhúsinu á föstudag ásamt Höllu vinkonu sinni. Þar verður hægt að hrista mjaðmir, draga gyðjuspil, drekka kakó. Sigríður, eða Sigga Ásgeirs, kíkir til okkar.

Frumflutt

27. des. 2023

Aðgengilegt til

26. des. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.