Síðdegisútvarpið

Óánægja með Base Parking, Blóðbankinn og rafræn göngubók um Tene

Undanfarið hefur mikið verið fjallað um fyrirtækið Base Parking sem býður farþegum á leið til útlanda að geyma bílinn gegn gjaldi og fólk getur einnig pantað aukaþjónustu svo sem eins og þrif, skoðun ofl. Það sem fólk hefur verið að skrifa um og er ósátt með er t.d. að fyrirtækið virðist hafa týnt bíllyklum, fólk þarf að bíða óhóflega lengi þegar kemur að því að fá bíl og lykla afhenta og svo mætti áfram telja. Við ræðum í dag við konu sem átti viðtskipti við fyrirtækið en hún hefur nú fengið rukkun í heimabanka fyrir utan gjaldið sem hún greiddi og bílnum hennar virðist hafa verið lagt á bílastæði Isavia. Breki Karlsson formaður Neytendasamtakanna ætlar svo í kjölfarið að fara yfir þessi mál og hvað fólk þarf að hafa í huga áður en bíllyklar eru afhentir.

Starfshópur sem innviðaráðherra skipaði til að móta borgarstefnu leggur til að Akureyri verði næsta borg á Íslandi Við heyrum í Ingvari Sverrissyni á eftir en hann er formaður starfshópsins og spyrjum hann nánar út í þetta.

Það syttist í páska og eflaust ætla sumir að nota tækifærið og skella sér í frí erlendis. Tenerife er vinsæll áfangastaður sólþyrstra íslendinga og því ekki ólíklegt að einhverjir ætli að skella sér þangað á næstu dögum til að sóla sig og njóta lífsins. En það er hægt að gera ýmislegt fleira en að liggja í sólbaði á Tene og sú sem veit allt um það er Snæfríður Ingadóttir sem dvelur langdvölum á eyjunni og gerir upp hús en auk þess var hún að senda frá sér rafbók með 33 gönguleiðum um eyjuna. Við heyrum í Snæfríði í þættinum og forvitnumst meira um þetta allt saman.

Það styttst í páska og þá er eins gott að öll bankahólf séu full í blóðbankanum - Ína Björg Hjálmarsdóttir deildarstjóri Blóðbankans verður á línunni hjá okkur og segir okkur frá því hvernig fólk á að bera sig að vilji það gefa blóð og hverjir mega gefa blóð.

Saga Úlfarsdóttir mætir til okkar á eftir til að segja okkur frá ferðavefnum Guide to Europe en á vefnum er hægt að setja saman heildarferðir með aðstoð gervigreindar. Saga sem er vörustjóri hjá Guide to Europe veit miklu meira um málið og segir okkur betur frá á eftir.

Benedikt Sigurðsson hefur verið við gosstöðvarnar í dag og hann er á línunni.

Frumflutt

18. mars 2024

Aðgengilegt til

18. mars 2025

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.