Síðdegisútvarpið

Lífið í Lúx,Rúv af auglýsingamarkaði og ný nafnskirteini

Við ætlum að ræða tillögu starfshóps menningar og viðskiptaráðherra um að taka RÚV af auglýsingamarkaði í þættinum í dag og heyra í Valgeiri Magnússyni starfandi stjórnarformanni auglýsingastofunnar Pipar/TBWA og spyrja hann út í hvernig fólki í auglýsingageiranum lítist á þessa tillögu.

Undanfarið hafa málefni innflytjenda verið áberandi í umræðunni og í vikunni höfum við rætt hatursorðræðu á samfélagsmiðlum. Róbert Björnsson sem búsettur er í Lúxemburg skrifaði áhugaverðan pistil sem birtist á vísi á sunnudaginn. Inntakið er reynsla af því að búa í samfélagi þar sem 660 þúsund manns búa í sátt og samlyndi en fólkið sem þar býr er frá 171 þjóðríki. Við ætlum að heyra í Róberti á eftir og ræða þessi mál við hann frekar.

Mikið mildi varð þegar tveir 13 ára drengir lentu í snjólflóði á skíðasvæðinu í Stafdal á laugardag björguðust en annar drengurinn var hætt kominn og lá undir flóðinu í um 20 mínútur eða talið er. Komið hefur í ljós að hættumati fyrir skíðasvæðið hefur aldrei verið lokið en slysið hefur vakið fólk til umhugsunar um notkun á snjóflóðaýlum sem staðsetja fólk og hvort skilyrði ætti að vera að bera slíkann búnað þegar skíðað er utan brautar. En hvernig virka slíkar ýlur og hvenær er mikilvægt að hafa slíkan búnað til taks ? Helgi Jóhannesson lögmaður hefur stundað fjallamennsku lengi og fjallaskíðun eru þar engin undantekning. Hann segir okkur allt um það.

Útgáfa á nýjum nafnskírteinum er hafin hjá Þjóðskrá Íslands. Ný útgáfa nafnskírteina hefur verið lengi í undirbúningi, allt frá því að fyrsta verkáætlun var samþykkt árið 2007 og fram til ársins 2023 þegar ný lög um nafnskírteini tóku gildi. Þjóðskrá ber ábyrgð á útgáfu og afhendingu skírteinanna. En hvernig koma ný nafnskírteini til með að nýtast ? Þau Júlía Þorvaldsdóttir framkvæmdastjóri þjónustu hjá Þjóðaskrá og Tjörvi Einarsson skilríkjasérfræðingur upplýsa okkur um það hér á eftir.

Á miðvikudögum höfum við það fyrir venju að heyra í Birni Malmquist og á því verður engin undantekning en að þessu sinni hittir Björn Stellu Vestmann í Brussel.

Stígur Helgason fréttamaður kemur til okkar og fer yfir helstu vendingar í stóra mansalsmálinu en grunur er um að tugir manna hafi verið beittir vinnumansali í máli sem tengist meðal annars veitingastöðunum Pho Vietnam og Wok On.

Frumflutt

6. mars 2024

Aðgengilegt til

6. mars 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.