Síðdegisútvarpið

Fréttir í opinni dagskrá, braskvæðing á fasteignamarkaði og frumkvöðlar í versló

Guðmundur Hrafn Arngrímsson formaður leigjendasamtakanna kemur til okkar á eftir en fyrirtæki sem er leiðandi í þjónustu og tryggingarekstri fyrir leigufélög og leigusala í Bretlandi framkvæmdi rannsókn á skammtímaleigumarkaði í höfuðborgum aðildaríkja OECD. Samkvæmt niðurstöðum rannsóknarinnar kemur í ljós að það er ábatasamast að fjárfesta í íbúðahúsnæði til heimagistingar á skammtímaleigumarkaði í Reykjavík. Við ætlum að ræða þetta við Guðmund Hrafn á eftir, einnig eignarhald á húsnæðismarkaði og kaup lífeyrissjóðanna á leigufélaginu Heimstaden sem Guðmundur kallar braskvæðingu á íslenskum húsnæðismarkaði.

Ferðamálastofa hvetur ferðaþjónustuaðila til að senda stofnuninni ábendingar um aðila sem mögulega eru að starfa án tilskilinna leyfa. Allar slíkar ábendingar eru teknar alvarlega, samband haft við viðkomandi og gripið til viðeigandi aðgerða. Við ætlum að ræða við Helenu Karlsdóttur forstöðumann stjórnsýslusviðs Ferðamálastofu

Kvöldfréttir Stöðvar 2 verða í opinni dagskrá á ný frá og með mánudeginum í næstu viku. Við ætlum að freista þess að ná af Kolbeini Tuma Daðasyni á eftir til að ræða þessar gleðifréttir.

Um helgina verður vor - matarmarkaður Íslands haldin í Hörpu. Opið frá kl. 11:00 til 17:00 báða daga og frítt inn. Þarna koma matvælaframleiðendur Íslands saman með sætt, seigt og safaríkt og bjóða fólki upp á smakk og sýningu. Einkunarorð Matarmarkaðar Íslands eru upplifun, uppruni og umhyggja. Þau koma til okkar Hlédís Sveinsdóttir og Björn frá Salverki og segja okkur betur frá því sem í vændum er.

Við fáum til okkar tvo nema úr Verslunarskóla Íslands á eftir þá Þengil Orrason og Tómas Berg Þórðarson en þeir eru í frumkvöðlafræði í skólanum þar sem þeir eiga að stofna fyrirtæki og koma vöru í sölu á nokkrum mánuðum. Við ætlum að forvitnast um áfangann og fá að heyra hvaða vöru þeir félagar ásamt fleirum eru að þróa en okkur skylst að varan tengist tannheilsu.

Í gær ræddum við við oddvita Sjálfstæðisflokksins í Vestmannaeyjum Eyþóri Harðarsyni sem hafði áhyggjur af kostnaði og gerð listaverks eftir Ólaf Elíasson sem til stendur að reisa í Vestmannaeyjum og verður skírskotun í eldgosið í Vestmannaeyjum. Áður hafði Morgunblaðið greint frá því að listaverkið, sem átti að kosta 120 milljónir króna, verði líklega dýrara auk þess sem til standi að leggja göngustíg í gegnum Eldfell en slikt hraun er friðað. Bæjarstjórnin í eyjum fundaði í gær og forseti bæjarstjórnar Páll Magnússon verður á línunni hjá okkur á eftir en málið var tekið fyrir á fundi bæjarstjórnar í gær og við fáum að vita hvað þar kom fram.

Frumflutt

12. apríl 2024

Aðgengilegt til

12. apríl 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.