Síðdegisútvarpið

Þingsetning,aðgerðarpakki fyrir Grindvíkinga og sigur Íslands á Króatíu á EM í handbolta

Forystumenn ríkisstjórnarinnar boðuðu til blaðamannafundar fyrr í dag þar sem þau gáfu loforð um að taka óvissu Grindvíkinga í fangið. Höskuldur Kári Schram fréttamaður var á fundinum og hann kemur til okkar eftir skamma stund og fer yfir það helsta sem Katrín, Þórdís Kolbrún og Sigurður Ingi höfðu að segja.

Alþingi kom saman aftur í dag eftir jólafrí og hófst þingfundur klukkan 15. Vantrauststillaga á matvælaráðherra hefur þegar verið lögð fram en ekki liggur fyrir hvenær hún verður tekin til umræðu. Það verður þó líklega ekki fyrr en á morgun eða miðvikudag. Jóhanna Vigdís Hjaltadóttir þingfréttakona kemur til okkar á eftir og fer yfir stöðuna á þinginu.

Við ætlum að ræða Mjóddina í Breiðholtinu í þættinum á eftir en meirihlutinn í Reykjavíkurborg felldi tillögu Sjálfstæðisflokks um að byggja mathöll í Mjódd í síðustu viku. Borgarfulltrúar Sjálfstæðisflokksins, Hildur Björnsdóttir og Kjartan Magnússon, lögðu tillöguna fram í annað sinn í umhverfis og skipulagsráði. Við verðum með Hildi Björnsdóttur oddvita Sjálftæðisflokksins í Reykjavík á línunni hjá okkur á eftir.

Eflaust hafa einhverjir þarna úti tekið eftir því að á mjólkurfernum MS þessa dagana stendur Fernuflug en haustmánuðum var textasamkeppnin Fernuflug endurvakin og nemendur í 8.-10. bekk hvattir til að velta fyrir sér spurningunni ‚Hvað er að vera ég?‘ en keppnin var síðast haldin 2006. Rúmlega 1.200 textar bárust í keppnina og óhætt að segja að sköpunargleðin hafi verið virkjuð. Nú prýða textar ungs fólks fernurnar undir yfirskriftinni Fernuflug. Við ætlum að forvitnast meira um þetta hér á eftir og fá til okkar Grétu Björg Jakobsdóttur markaðs- og vöruflokksstjóra MS til að segja okkur betur frá.

Karl Olgeirsson í Ástjarnarkirkju boðar til raddprufu fyrir glænýjan kór sem verður starfræktur frá kirkjunni. Hann leitar að söngelsku fólki, ert þú kandítad í slíkan kór ? Meira um það þegar við heyrum í Karli á eftir.

Við byrjum á að fara yfir leik Íslands og Króatíu á EM í handbolta. Hingað er kominn Þorkell Gunnar Sigurbjörnsson íþróttafréttamaður sem var rétt í þessu að klára að lýsa leiknum í beinni hér á Rás 2.

Frumflutt

22. jan. 2024

Aðgengilegt til

21. jan. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.