Síðdegisútvarpið

13.október

Á mánudaginn verður fyrsta skóflustungan tekin að nýrri fæðingardeild - sem Ísland fjármagnar en þetta verður algjör bylting fyrir mæður og ófædd börn þeirra í Malaví. Við ætlum að hringja í Ingu Dóru Pétursdóttur forstöðukonu sem starfar hjá sendiráðinu Íslands í Malaví.

Í vikunni var var lögð fram beiðni á Alþingi þess efnis að dómsmálaráðherra myndi flytja Alþingi skýrslu um vændi á Íslandi. Beiðnin barst frá Brynhildi Björnsdóttur varaþingmanni VG og var beiðnin samþykkt með 38 atkvæðum. Hvaða gögn eru það sem munu verða tekið saman í skýrslunni og hvaða þýðingu hefur þetta? Brynhildur kemur til okkar á eftir.

Í dag er alþjóðlegur dagur raftækjaúrgangs og samkvæmt nýjustu fréttum erum við Íslendingar mestu raftækjaruslarar í Evrópu - Birgitta Stefánsdóttir frá umhverfisstofnun og Margrét Kjartansdóttir frá Úrvinnslusjóði komur til okkar og fara yfir þessi mál og hvernig við getum bætt okkur og komið okkur neðar á þennan lista og jafnvel horfið af honum fyrir fullt og allt.

Kristján Hafþórsson er stundum kallaður jákvæðasti maður landsins. Hann stýrir hlaðvarpi sem kallast Jákastið og snýst einmitt um jákvæðni. í dag ætlar Krisján að segja okkkur frá íslensku barnaefni sem ætlað er leikskólaaldri 2-6 ára og verður frumsýnt um helgina. Kristján kemur til okkar á eftir.

Ísland mætir Lúxemborg á Laugardalsvelli í kvöld klukkan 18:45 og spilar svo sinn síðasta heimaleik í undankeppninni á mánudaginn við Liechtenstein. Undankeppni EM lýkur svo í nóvember með útileikjum Íslands við Portúgal og Slóvakíu. Þorkell Gunnar kemur til okkar á eftir og spáir í leikinn í kvöld.

En við byrjum á Þingvöllum þar sem að Benedikt Sigurðsson fréttamaður er staddur ásamt þingmönnum Sjálfstæðisflokks, Framsóknarflokks og VG en þangað héldu stjórnarliðar til fundar fyrr í dag með rútu.

Frumflutt

13. okt. 2023

Aðgengilegt til

12. okt. 2024

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.