Síðdegisútvarpið

27. júlí

Umsjón: Hulda G. Geirsdóttir og Kristján Freyr Halldórsson.

Söngvarinn Jim Morrison hefði orðið 80 ára í ár hefði hann lifað og af því tilefni ætla Nordic Live Events að standa fyrir heiðurstónleikum og sögustund í haust þar sem Björgvin Franz Gíslason bregður sér í hlutverk Morrison, ásamt hljómsveit, og Vera Illugadóttir verður sögumaður. Björgvin Franz kom til okkar og sagði okkur meira af þessu ævintýri sem á sér nokkra forsögu.

Vikan fyrir verslunarmannahelgi er að jafnaði ein annasamasta vika ársins í Vínbúðum landsins og því miður virðist tilhneigingin vera sú hjá allt of mörgum að heimsækja verslanirnar rétt fyrir lokun á föstudeginum. Starfsfólk Vínbúðanna hvetur viðskiptavini sína að sýna forsjálni í vikunni og við hringdum í Sigrúnu Ósk Sigurðardóttur, aðstoðarforstjóra ÁTVR til að fá góð ráð gegn örtöðinni.

Við kíktum á Meme vikunnar með Atla Fannari Bjarkasyni sem jafnan tekst að grafa upp alls kyns skrítið og skemmtilegt efni af internetinu góða.

Í Mosfellsdalnum má finna hinar skemmtilegu sumarbúðir Reykjadal en þar hafa börn og ungmenni með fötlun á aldrinum 8-21 árs notið sín síðustu árin. Um 250 einstaklingar heimsækja búðirnar árlega þar sem gleði, jákvæðni og ævintýri eru ávallt í forgrunni. Tónlistarmaðurinn Emmsjé Gauti sagði frá því á samfélagsmiðlum í gær að hann hafi mætt og skemmt krökkunum í Reykjadal í nokkur ár og benti á að hljóðkerfi þar væri í lamasessi. Gauti fór því af stað með smá söfnun og við heyrðum af því hvernig gengur.

Steiney Skúladóttir var á ferðinni á Kópaskeri og hitti þar Hildi Óladóttur sem rekur gistiheimilið Mela í elsta húsi plássins.

Fjölmargir hátíðir og skemmtanir eru fram undan um verslunarmannahelgina í næstu viku. Þar á meðal er hin rótgróna hátíð Neistaflug í Neskaupstað. Við heyrðum af þessari skemmtilegu hátíð og frumfluttum jafnframt nýtt Neistaflugs lag sem María Bóel Guðmundsdóttir framkvæmdastjóri hátíðarinnar tók þátt í að semja og flytur. María Bóel var á línunni.

Tónlist:

ÁSDÍS - Angel Eyes.

ROLLING STONES - I Cant Get No Satisfaction.

THE CARDIGANS - Youre the storm.

THE DOORS - Love Street.

GDRN - Parísarhjól.

BIG COUNTRY - Look Away.

SKAKKAMANAGE - None Smoker.

KUSK - Áttir allt.

THE POLICE - Message in a bottle.

EMMSJÉ GAUTI - Þúsund hjörtu.

SINÉAD O CONNOR - Thank you for hearing me.

Frumflutt

27. júlí 2023

Aðgengilegt til

26. júlí 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.