Síðdegisútvarpið

Íþyngjandi regluverk, rót á kjaraviðræðum, rafmögnuð handboltaspenna og sólarkaffi.

Það þokaðist lítið í kjaraviðræðum í gær og Ragnar Þór Ingólfsson formaður VR fór mikinn í fréttum þar sem hann sagði ósmekklegt og ógeðfellt af Bjarna Benediktssyni utanríkisráðherra að nota stöðuna í Grindavík til að vinna gegn kjarasamningum. Þórdís Kolbrún R. Gylfadóttir, fjármála-og efnahagsráðherra, tók í sama streng og Bjarni og sagði að ljóst væri að aðgerðir til handa Grindvíkingum hafi áhrif á stöðu ríkisfjármála og þar með mögulegt útspil stjórnvalda í kjaraviðræðum. Á línunni hjá okkur á eftir verður Ragnar Þór Ingólfsson formaður VR og við ræðum þessi mál við hann.

Kristjana Arnarsdóttir hefur stýrt EM stofunni með stakri prýði síðustu vikur, með dyggri aðstoð Kára Kristjáns Kristjánssonar og Ásgeirs Arnar Hallgrímssonar og saman hafa þau fylgt okkur í gegnum súrt og sætt hjá orrustum íslenska landsliðsins í glænýju og sýndartæknivæddu upptökuveri Sjónvarpsins. Kristjana ætlar að kíkja aðeins til okkar í heimsókn og segir okkur frá upplifun þríeykisins úr EM stofunni.

Samtök Iðnaðarins standa fyrir framleiðsluþingi í Hörpu á morgun undir yfirskriftinni Íþyngjandi regluverk á færibandi. Á þinginu verður sjónum beint að hagsmunagæslu Íslands gagnvart ESB, gullhúðun laga og regluverks og framkvæmd eftirlits á vegum stofnana ríkisins. Árni Sigurjónsson er formaður Samtaka Iðnaðarins og hann segir okkur betur frá þinginu.

Við spjölluðum hér fyrir viku síðan við fréttaritara okkar í Brussel, hann Björn Malmquist, sem var þá staddur úti í belgískri snjóhríð. Hann sagði okkur þá frá mikilli ófærð í borginni sem hafði áhrif á samgöngur og taldi Björn lítið um það að fólk ferðaðist um á reiðhjólum. Björn var víst snarlega leiðréttur eftir spjallið, og við verðum nú að heyra betur af þessari framhaldssögu.

Nú þegar líða tekur á janúarmánuð nær sólin loks að klífa yfir hæstu fjallstinda vestfirsku alpanna og sendir geisla niður í byggð. Þá leggst iðulega pönnukökuilmur yfir Ísafjörð og hellt er upp á sólarkaffi á hverju heimili. Ísfirðingafélagið í Reykjavík heldur einnig upp á Sólarkaffi hér syðra og gera það næsta föstudag. Feðgarnir og Ísfirðingarnir Baldur Trausti Hreinsson leikari og sonur hans Tómas Helgi ætla að veislustýra kvöldinu og þeir ætla að fræða okkur aðeins um Sólarkaffið.

En við byrjum á leiknum sem var að ljúka rétt í þessu. Hér er okkar eini sanni Þorkell Gunnar Sigurbjörnsson enn að ná sér niður.

Frumflutt

24. jan. 2024

Aðgengilegt til

23. jan. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.