Síðdegisútvarpið

Síðdegisútvarpið 7. desember

Áfangaheimilið Brú er að finna á Höfðabakka í Reykjavík en þar eru einstaklingsíbúðir fyrir öll kyn sem hafa lokið langtímameðferð á meðferðarheimilinu Hlaðgerðarkoti og leggja kapp á að byggja brú inn í framtíð án vímuefna, einn dag í einu. Í sumar var tilkynnt að til stæði að loka áfangaheimilinu eftir að Félagsbústaðir sem eru alfarið í eigu Reykjavíkurborgar sögðu upp leigusamningi við Samhjálp og nú er komið að þeim tímapunkti. Edda Jónsdóttir er framkvæmdastjóri Samhjálpar og hún segir okkur hvert framhaldið er.

Nú eru eflaust fjölmörg heimili landsmanna að komast í jólabúninginn, gardínur mögulega komnar upp, smákökuilmur í eldhúsinu og jóladúkarnir á strauborðinu. Það er alla vega allt að verða tilbúið í híbýlum Hússtjórnarskólans við Sólvallagötu í Reykjavík þar sem nemendur taka á móti gestum í opnu húsi á laugardaginn. Þar verður hægt að líta á handverkssýningu nemenda ásamt því að gæða sér á kaffihlaðborði með heitu súkkulaði og öllu tilheyrandi sem nemendur standa fyrir. Skólameistarinn Marta María kíkir til okkar í heimsókn og segir okkur frá aðventunni í Hússtjórnarskólanum.

Er almenningur hættur að treysta stjórnvöldum og stjórnmálafólki? Er fólk orðið meira tortryggið í garð stjórnvalda - eða ríkir kannski fullkomið vantraust í þeirra garð? Þetta eru meðal þeirra spurninga sem verða á vörum þátttakenda í hádegisfundi Félags stjórnmálafræðinga og Stofnunar stjórnsýslufræða og stjórnmála um traust fólks til stjórnvalda á morgun. Viktor Orri Valgarðsson, nýdoktor í stjórnmálafræði við Háskólann í Southampton, mun spyrja sig að þessu í erindi sínu á fundinum og hann segir okkur betur frá fundinum hér rétt á eftir.

Í Morgunblaðinu í dag birtist grein eftir formann verkfræðingafélags Íslands Svönu Helen Björnsdóttur en þar kemur fram að það sé mikið áhyggjuefni meðal verkfræðinga og tæknifræðinga hve stjórnmálamenn hafa lítinn skilning á mikilvægi djúprar fagþekkingar, tæknilegra rannsókna og hagnýts rannsóknarsamtarfs innlendra og erlendra aðila þegar kemur að byggingarrannsóknum á Íslandi. Árni B. Björnsson er framkvæmdastjóri Verkfræðingafélagsins, hann upplýsir okkur um stöðu mála.

Á aðventu 2023 mun Einar Skúlason ganga gömlu póstleiðina frá Seyðisfirði til Akureyrar með jólakort og jólakveðjur til fólks og fyrirtækja á Akureyri í farteskinu til styrktar Krabbameinsfélagi Akureyrar og nágrennis. Við heyrum í Einari í lok þáttar.

Og við byrjum á glugga út í heim en hingað er kominn Oddur Þórðarson fréttamaður af fréttastofu RÚV.

Frumflutt

7. des. 2023

Aðgengilegt til

6. des. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.