Síðdegisútvarpið

1.nóvember

Ný gögn GPS mælum og gervitunglum staðfesta að kvikuinnskot sé til staðar vestan við Þorbjörn á um þriggja til fjögurra kílómetra dýpi. Tæplega 400 jarðskjálftar mældust á Reykjanesskaga í nótt. Sá stærsti 3,7 að stærð, um þrjá kílómetra vestur af Þorbirni laust fyrir klukkan eitt í nótt. Við heyrum í Helgu Árnadóttur framkvæmdastjóra Bláa lónsins vegna stöðunnar.

Grindvíkingar eru margir hverjir kvíðnir vegna jarðhræringanna á Reykjanesskaganum. Stefnt er að því að taka fund með íbúum á morgun en við ætlum að heyra í Fannari Jónassyni bæjartjóra Grindavíkur á eftir og ræða við hann um áhyggjur íbúa á svæðinu.

Í gær var bæjarstjórnarfundur á Akureyri þar sem fram fór fyrri umræða um fjárhagsáætlun. Þar kom fram að gjaldskrár Akureyrarbæjar muni allar hækka um 9%. Ein þeirra sem er hugsi yfir þessum hækkunum er Hilda Jana Gísladóttir bæjarfulltrúi hjá Akureyrarbæ og við sláum á þráðinn norður og heyrum í Hildu.

Í nýliðnum október stóð Brjóstamiðstöð Landspítala fyrir átaksverkefninu "skrepp í skimun" Átakið er árleg vitundarvakning um brjóstakrabbamein þar sem markmiðið er að draga fram hversu mikilvægt og einfalt það er að mæta í brjóstaskimun en mætingin hefur dvínað gríðarlega síðustu ár. Svanheiður Lóa Rafnsdóttir er yfirlæknir brjóstaskurðlækningadeildar og Brjóstamiðsöðvar Landspítala, hún kemur til okkar í þættinn og ræðir við okkur um mikilvægi þess að Skreppa í skimun.

Nú stendur yfir rúpnaveiðitímabil en það hófst þann 20. október og stendur til 21. nóvember í ár. Heimilt er að veiða rjúpu frá og með föstudögum til og með þriðjudögum á því tímabili. En hvernig er búið að ganga og hvað eiga veiðimenn að hafa í huga þegar lagt er af stað til veiða ? Áki Ármann er formaður Skotvís við heyrum í honum.

En við byrjum á Birni Malmquist fréttamanni í Brussel.

Frumflutt

1. nóv. 2023

Aðgengilegt til

31. okt. 2024

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.