Síðdegisútvarpið

Óveður á vestfjörðum, slysaframbjóðendur og fótbolti

Lögreglan á Vestfjörðum hefur haft í nægu að snúast vegna óveðurs. Þar er appelsínugul viðvörun en hann Gylfi Þór Gíslason varðstjóri hjá lögreglunni á Vestfjörðum ræðir við okkur um stöðuna.

Eitthvað hefur borið á því að einstaklingar sem hafa ætlað sér að styðja við einstaka forsetaframbjóðendur hafa gert þau mistök að skrá sig sjálf í forsetaframboð fyrir slysni. Þjóðskrá sér um skráningar en það er landskjörstjórn sem heldur á málum. Ástríður Jóhannesdóttir framkvæmdastjóri landskjörstjórnar kemur til okkar og segir okkur hvernig maður getur slysast í framboð, og mögulega hvernig hinir sömu geti þá dregið framboð sín til baka.

Tímarnir breytast og mennirnir með. Það er ekki lengur bara boðið upp á harmonikkudansleiki á hjúkrunarheimilum landsins því í dag var sett upp diskótek í Mörk. Við ætlum að heyra í Theodóru Hauksdóttur framkvæmdastjóra hjúkrunar í Mörk og forvitnast um hvernig til hafi tekist og hvort ekki hafi verið rífandi stemning á dansgólfinu.

Ísland Ísrael mætast í undanúrslitum umspilsins um að komast á EM í fótbolta nú í kvöld. Leikurinn verður haldinn í Ungverjalandi en Kristjana Arnarsdóttir er stödd í Búdapest.

Hildur Oddsdóttir formaður Hjáparkokka og Birna Kristín Sigurjónsdóttir varaformaður koma til okkar á eftir en Hjálparkokkar urðu til árið 2016 þegar að Hildur stofnaði síðu í þeim tilgangi að hjálpa foreldrum sem hafa lítið á milli handanna. Árið 2020 urðu Hjáparkokkar að formlegu félagi og við ætlum að fræðast meira um þessi samtök á eftir sem þessa dagana safna páskaeggjum fyrir fátækar og efnalitlar fjölskyldur.

Atli Fannar Bjarkarson fer yfir mím vikunnar. Og ef við þekkjum internetið rétt, verður það ekkert minna en stórskostlegt.

En við byrjum á veðrinu. Á Veðurstofu Íslands er Marcel de Vries veðurfræðingur á vakt.

Frumflutt

21. mars 2024

Aðgengilegt til

21. mars 2025

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.