Síðdegisútvarpið

Síðdegisútvarpið 13. desember

Á dögunum ræddum við hér í Síðdegisútvarpinu við Ásdísi Kristinsdóttur, forstöðumann verkefnastofu Borgarlínunnar og Bryndísi Friðriksdóttur svæðisstjóra Höfuðborgarsvæðisins hjá Vegagerðinni um Borgarlínuna þ.e verkið sjálft og hvar það er statt. Við ætlum að halda áfram að ræða Borgarlínu í dag og samgöngur á höfuðborgarsvæðinu og fá til okkar Þorkel Sigurlaugsson varaborgarfulltrúa en hann er í félaginu Samgöngur fyrir alla og fá hann til þess að ræða við okkur um þeirra hugmyndir, m.a. um jarðgöng sem að þeirra sögn gæti verið vænlegur kostur. Þorkell við spyrjum bara í upphafi, hvernig borgarlína væri ykkur helst að skapi.

Í kvöld fara fram sérstakir styrktartónleikar í Bústaðakirkju þar sem ætlunin er að safna fé fyrir fjölskyldufólk úr Grindavík. Meðal þeirra sem þarna koma fram er kór Grindavíkurkirkju og nýstofnaður barnakór kirkjunnar og á efnisskránni verður jólatónlist Mariuh Carey í útsetningu fyrir kór. Við fáum hana Elínborgu Gísladóttur, sóknarprest Grindavíkurkirkju, til að segja okkur betur frá þessu öllu saman.

?Ókeypis heimsending og dropp afhending?, og hvað er það sem er afhent heim að dyrum? Jú, það er áfengi. Netsala á áfengi hefur vaxið síðustu ár. Með því að selja áfengi í gegnum erlendar vefsíður og senda heim til fólks er farið blygðunarlaust á svig við einkaleyfi Áfengis- og tóbaksverslunar ríkisins til smásölu á áfengi og lög brotin og yfirvöld gera ekkert í málinu. Svona hefst grein sem að Bjarkey Olsen Gunnarsdóttir þingmaður Vinstri grænna skrifaði á Vikublaðið.is en hún tók málið einnig upp á Alþingi í gær og varaði við þesari þróun. Bjarkey verður á línunni hjá okkur á eftir.

Það eru auðvitað fjölmargir jólalegir viðburðir út um allt land á aðventunni og jólatónlistin vitaskuld víðast í forgrunni en í Norðurljósasal Hörpu verður í næstu viku dagskrá sem er á lágstemmdari nótum en ella þó jólin nálgist óðfluga. Tónlistarkonurnar Ellen Kristjáns, Guðrún Gunnars, Kristjana Stefáns og Ragnheiður Gröndal koma þar saman ásamt einvalaliði hljóðfæraleikara og flytja öll sín uppáhalds jólalög í asalausum útgáfum. Við fáum þær stöllur, Kristjönu, Ellen og Ragnheiði í heimsókn.

Veðrið hefur að mestu leikið við landsmenn á aðventunni og á síðustu misserum en búast má við talsverðum viðsnúningi í veðri á næstu dögum og við ætlum að horfa aðeins í kortin með Sigurði Jónssyni veðurfræðingi.

En við hefjum þáttinn venju samkvæmt með því að hringja til Brussel þar sem fréttaritarinn okkar Björn Malmquist er staddur.

Frumflutt

13. des. 2023

Aðgengilegt til

12. des. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.