Síðdegisútvarpið

21. september

Júlía Margrét Einarsdóttir og Atli Fannar Bjarkason stýra þættinum.

Pabbastrákar er nýtt íslenskt gamanleikrit þar sem nostalgía sígildra sólarlandaferða Íslendinga er sett á svið. Á bak við verkið standa þeir Hákon Örn Helgason, sem er Háið í grínhópnum VHS og Helgi Grímur Hermannsson sem er einn höfunda How to Make Love to a Man. Drengirnir eru að frumsýna verkið í kvöld en gáfu sér tíma til að kíkja til okkar.

Bakslagið í hinsegin baráttunni hefur verið mikið í umræðu síðustu vikur, ekki síst gagnvart trans fólki. Samtökin 78 hafa verið sökuð um að vera með óviðeigandi kynfræðslu í grunnskólum og umræðan hefur einkennst af mikilli heift. Okkur hlýnaði nokkuð um hjartað að lesaá Facebook fallega frásögn frá Tjörva Ólafssyni sem er faðir ellefu ára trans drengs sem heitir Kaiden Ingvar. Hann sagði að það hafi verið visst áfall fyrir sig sem miðaldra pabba að fá fregnirnar en þau hjónin, Tjörvi Ólafsson og Anna Margrét Bjarnadóttir leituðu til Samtakanna 78 og fengu ómetanlega fræðslu og aðstoð. Fjölskyldan er búsett í Bandaríkjunum en þau eru á línunni og eru tilbúin að segja okkur frá sinni reynslu.

Af hverju heitir Draumaprinsinn sem Ragga Gísla söng um stundum Benóný og stundum Benjamín. Héraðsskjalavörður austur á landi hefur ráðið gátuna og þar kemur sjálf Biblían við sögu. Við heyrum í Stefáni Boga Sveinssyni og fáum nánari útskýringar.

Meme vikunnar verður að sjálfsögðu á sínum stað.

Og meira leikhús því á laugardaginn verður frumsýnt þriðja verkið í hinum svokallaða Mayenburg þríleik í Þjóðleikhúsinu nú er það hið virta leikskáld sjálft, Marius von Mayenburg, sem leikstýrir. Verkið nefnist Ekki málið og fer stórleikkonan Ilmur Kristjánsdóttir þar með aðalhlutverk. Hún er mætt til okkar.

Frumflutt

21. sept. 2023

Aðgengilegt til

20. sept. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.