Síðdegisútvarpið

20.október

Um 100 manns söfnuðust saman við ráðherrabústaðinn við Tjarnargötu í morgun til þess að mótmæla stríðinu í Palestínu. Þess var krafist að stjórnvöld fordæmi aðgerðir Ísraelshers í Palestínu og tók Katrín Jakobsdóttir forsætisráðherra á móti 2000 undirskriftum um frjálsa Palestínu. Linda Blöndal fréttamaður var á staðnum og tók nokkra mótmælendur tali.

Í dag fagnar Valur Gunnarsson sagnfræðingur úgáfu bókarinnar Stríðsbjarmar - Úkraína og nágrenni á átakatímum. Stríð breytir öllu og mótar allt. En um hvað snýst stríðið í Úkraínu? Og hvernig er fyrir fólk að lifa við stríð? Valur stundaði nám í Úkraínu og hélt aftur þangað nokkrum mánuðum eftir að stríðið hófst til að leita svara við þessum spurningum og fleirum og hann ætlar að koma til okkar á eftir og segja okkur betur frá.

Teitur Magnússon tónlistarmaður kemur til okkar á föstudegi og tekur lagið í beinni.

Allar konur og kvár eru hvött til að leggja niður störf þriðjudaginn 24.október næstkomandi. Frá 1975 hafa konur lagt niður störf sex sinnum til að mótmæla kynbundnu misrétti og nú á að gera það í sjöunda skiptið og að þessu sinni á að leggja niður störf í heildan dag. Er þess krafist að kynbundu og kynferðislegau ofbeldi verði útrýmt og að störf kvenna og kvára verði metin að verðleikum. Skipu­leggj­endur kvenna­verk­fallsins hyggjast birta tossa­lista yfir at­vinnu­rek­endur sem hamla þátt­töku kvenna og kvára í kvenna­verk­fallinu. Við ætlum að ræða við Ingu Auðbjörgu Straumland viðburðastýru kvennaverkfallsins á eftir.

Í ár er þess minnst að 150 ár eru liðin síðan fyrsti stóri hópur vesturfara fór vestur um haf frá Íslandi til Kanada. Af því tilefni verður opnaður nýr og spennandi gagnagrunnur á vegum Árnastofnunar um handrit og bréf íslenskra vesturfara. Verkefnið hefur fengið heitið Í fótspor Árna Magnúsonar í Vesturheimi og fer fram formlegt opnunarþing á morgun í fyrirlestrasal Eddu. Katelin Parson verkefnastjóri hjá Árnastofnun kemur til okkar á eftir og segir okkur betur frá þessu.

En við byrjum á þessu. Ingibjörg Isaksen alþingiskona og þingflokksformaður Framsóknarflokksins hefur ásamt fleiri þingmönnum lagt fram frumvarp á Alþingi um breytingu á lögum um fæðingar- og fæðingarorlof og hún er á línunni.

Frumflutt

20. okt. 2023

Aðgengilegt til

19. okt. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.