Síðdegisútvarpið

Netárásir, rammpólitísk söngvakeppni og nýjar skrifstofur Alþingis

Þingmenn Miðflokksins hafa verið duglegir að gagnrýna nýjar og nýtískulegar skrifstofur Alþingis. Við ætlum að heyra í eina arkitektinum á Alþingi, Loga Má Einarssyni, þingmann Samfylkingarinnar sem ætti að vita ýmislegt um hönnuna húsa.

Og það er nokkrar stórar spurningar sem leita ítrekað á okkur Íslendinga. Hvenær Gýs Katla? Þarf alltaf að vera asahláka? Og er Júróvisjón í raun ópólitísk keppni. Eiríkur Bergmann gæti lumað á einhverjum svörum um þetta síðasta.

Grindvíkingar eru búnir að vera á fullu í verðmætabjörgun og óhætt að sega að álagið sé umtalsvert á líf þeirra sem hafa nú misst heimili sín. Sigurður Þyrill Ingvason húsasmíðameistari ætlar að bjóða upp á Þorrablót þar sem Grindvíkingar geta fagnað saman og átt gleðistund á milli stunda.

Við ætluðum að freista þess að fá Þuríði Sigurðardóttur söng- og myndlistakonu til okkar sem föstudagsgest en þegar við settum okkur í samband við hana þá kom í ljós að hún hefur engan tíma til að setjast niður með okkur á þessum ágæta föstudegi. Það eru tónleikar hjá henni um helgina og svo er hún með myndlistasýningu en við ætlum að slá stuttlega á þráðinn til hennar og forvitnast aðeins um það.

G vítamín gott fyrir geðheilsuna verður á dagskrá RÚV í kvöld og á eftir koma til okkar umsjónarmenn þáttarins þau Viktoría Hermannsdóttir og Þorsteinn J og segja okkur betur frá.

En við byrjum á þessu: Netárásir á stofnanir og fyrirtæki fer fjölgandi og síðast var ráðist á Háskólann Í Reykjavík í nótt. Netþrjótarnir virða engin landamæri og eru kræfari en nokkrum sinnum fyrr. Á línunni hjá okkur er Guðmundur Arnar Sigmundsson forstöðumaður hjá CERT-IS.

Frumflutt

2. feb. 2024

Aðgengilegt til

1. feb. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.