Síðdegisútvarpið

6.október

Það eru fimmtán ár frá hruni og fimmtán ár upp á dag síðan að Geir H. Haarde sagði þessa fleygu setningu: Guð blessi Ísland. Á sunnudag og mánudag verður sýnd á RÚV heimildamynd í tveimur hlutum um uppgjörið eftir bankahrunið. Í myndinni er fjallað um ótrúlega eftirmála hrunsins þar sem bankaleynd var aflétt og víðtækar rannsóknir hófust á því hvernig þrír stærstu bankar landsins fóru í þrot. Í myndinni er rætt við stjórnmálamenn, hagfræðinga, saksóknara, rannsakendur og bankamenn. Við ætlum að fá til okkar hingað á eftir Margréti Jónasdóttur framleiðanda og aðstoðarleikstjóra myndarinnar og spyrja hana út í myndina sem hefur fengið nafnið Baráttan um Ísland.

Daníel E Arnarsson framkvæmdastjóri Samtakanna 78 kemur til okkar á eftir og við ætlum að ræða mannréttindi, fjölbreytileika og fordóma í garð hinsegin fólks.

Í gær var tekin fyrsta skóflustunga að 4400 fermetra viðbyggingu við Grensás, sem mun tvöfalda húsnæði deildarinnar. Ríkið greiðir fyrir nýbygginguna grunnbúnað í hana en Hollvinir Grensás standa fyrir landssöfnun meðal fyrirtækja, félaga, klúbba og almennings svo kaupa megi þau tæki sem deildina vantar mest. Í kvöld verður hér á RÚV söfununardagskrá þar sem fjöldi listamanna kemur fram til stuðning Grensásdeild og viðtöl tekin við marga sem þekkja deildina af eigin reynslu. Hingað til okkar á eftir kemur Guðrún Pétursdóttir formaður Hollvina Grensás til að segja okkur frá því mikilvæga starfi sem þar er unnið auk þess sem við kynnum okkur dagskrá kvöldsins í sjónvarpinu.

Í þættinum munum við fjalla um námskeið sem leggur áherslu á að kveikja á okkar innri kynveru með dansi, öndunaræfingum, hristingi, hreyfiflæði, teygjum og góðu og gefandi samtali um sjálfsást, sjálfsfróun og sjálfsmynd. Námskeiðið heitir Kynveran, Íris Stefanía Skúladóttir sviðslistakona sér um það og mun hún segja okkur nánar frá þessu í þættinum.

Beta, eitt sinn efnileg tónlistarkona, finnur sig í ónýtu hjónabandi, ekki verandi sú móðir sem hún vill vera. Þegar ungur maður flytur inn á heimilið til að hjálpa með barnið og fer að leggja til ?daður-verkefni? fyrir hjónin, er Beta þvinguð til að taka áhættur og stíga aftur inn í lífið. Um þessa fjalla nýir þættir sem heita Svo lengi sem við lifum sem skrifaðir eru af Anitu Briem og einnig fer hún með aðalhlutverk þáttanna. Aníta kemur í kaffi til okkar á eftir.

Á morgun verður hinn árlegi Hrútadagur haldinn á Raufarhöfn. Þetta er í átjánda skiptið sem dagurinn er haldinn. Ingibjörg Hanna Sigurðardóttir er ein af forsvarsmönnum Hrútadagsins, hún er á línunni.

Frumflutt

6. okt. 2023

Aðgengilegt til

5. okt. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.