Síðdegisútvarpið

19.september

Magni Hreinn Jónsson er einn þeirra sem er á skriðuvakt veðurstofunnar enda full ástæða til. Óvissustig almannavarna er í gildi á Austurlandi vegna mikilla rigninga og hættustig er í gildi vegna skriðuhættu á Seyðisfirði auk þess sem nokkur hús voru rýmd í gær. Á austurlandi hafa þónokkrar aurskriður fallið í dag. Magni Hreinn segir okkur nánar frá stöðunni á eftir.

Við heyrum í okkar konu á Akureyri Gígju Hólmgeirsdóttur. Hún ætlar að skreppa í Samkomuhúsið og kíkja við á æfingu hjá tvíeykinu Hundi í óskilum, þeim Hjörleifi Hjartarsyni og Eiríki Stephensen, en þeir frumsýna fyrir norðan Njálu á hundavaði núna á föstudaginn.

Nú rignir ásökunum yfir grínistann, leikarann og aðgerðarsinnann Russell Brand. Russell er áskaðaur um nauðgun, kynferðislega áreitni og andlegt ofbeldi. Um er að ræða hóp kvenna og var ein þeirra aðeins 16ára þegar brotið átti að hafa átt sér stað. Hingað til hefur Russle verið einn vinsælasti maður Hollywood, bæði sem leikari, grínisti og hugsuður sem margir aðdáendur hans hreinlega líta á hans orð sem heilagan sannleik. Hugsanlega verður breyting á því. Ingunn Lára Kristjánsdóttir fréttamaður kemur á eftir til að rekja sögu Russle Brand og rýna í stöðuna sem upp er komin.

Í kvöld verður boðið upp á tónleikar með tónlist frá frumbyggjum Amazon nánar tiltekið af Huni Kuin ættbálknum. Auk tónlistar ætla meðlimir að segja sögur af forfeðrum. En hvernig tengist þessi hópur Íslandi ? Við fáum að vita allt um það á eftir þegar hún Björg Fríður Freyja Elíasdóttir sest hjá okkur.

Sjöunda þáttaröð Kveiks hefst í kvöld. Ingólfur Bjarni Sigfússon kemur til okkar á eftir ásamt nýjum liðsmanni Kveiks, henni Kristínu Sigurðardóttur.

Fyrr í dag urðu stór tímamót í gömlu höfninni í Reykjavík við Faxagarð. Þá var fyrsta skemmtiferðaskipið, Hurtigruten Expeditions, tengt við rafmagn í höfn en Faxaflóahafnir er ein af 2% hafna á heimsvísu með slíka tengingu. Með þessari landtengingu opnast einnig möguleiki á kolefnislosunarlausum heimsóknum skemmtiferðaskipa í Faxaflóa þegar um svokölluð hybrid skip er að ræða. Þórdís Lóa Þórhallsdóttir er stjórnarformaður Faxaflóahafna og oddviti Viðreisnar í Reykjavík. Hún kemur til okkar eftir smá stund.

Frumflutt

19. sept. 2023

Aðgengilegt til

18. sept. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.