Síðdegisútvarpið

Síðdegisútvarpið 22. desember

Natatorium er fyrsta kvikmynd leikstjórans og handritshöfundarins Helenu Stefánsdóttur, í fullri lengd. Myndin er einhvers konar fjölskylduharmleikur með drungalegum undirtón og skartar Elinu Petersdóttur og Ilmi Maríu Arnardóttur fara með aðalhlutverkum. Myndin verður heimsfrumsýnd á nýju ári á Alþjóða kvikmyndahátíðinni í Rotterdam. Helena ætlar að kíkja til okkar og sega frá.

Þúfan er áfangaheimili fyrir konur sem lokið hafa meðferð vegna fíknar í áfengi og/eða önnur vímuefni.Á morgun verður haldinn styrktarviðburður fyrir Þúfuna sem er svokölluð andskötusúpa - hvað það er vitum við ekki en Lára Ómarsdóttir veit það og hún kemur til okkar og segir okkur frá.

Borg hinna dauðu er nýjasta bókin um sérlundaða lögreglumanninn Hörð Grímsson sem svo margir elska. Höfundur bókarinnar og skapari Harða, Stefán Máni, hefur haft nóg að gera síðustu vikur í upplestrum og kynningu á bókinni en hann ætlar að setjast niður með okkur og segja okkur aðeins frá nýjustu vendingum í lífi Harðar.

Snærós Sindradóttir er búsett í Budapest í Ungverjalandi - við hringjum í hana og heyrum af aðventunni þar í landi og hún ætlar líka að segja okkur frá Útvarpsþætti sem hún hefur búið til um ömmu sína og afa Helgu Bachman og Helga Skúlason.

En fyrst orð ársins sem landsmenn kjósa um ár hvert. Orðin sem valið stendur um eru tíu og eiga það sameiginlegt að hafa einkennt þjóðfélagsumræðuna á liðnu ári, eða verið áberandi með öðrum hætti. Kosningin opnaði á RÚV.is í dag. Anna Sigríður Þráinsdóttir málfarsráðunautur RÚV fer yfir það með okkur.

Frumflutt

22. des. 2023

Aðgengilegt til

21. des. 2024

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.