Síðdegisútvarpið

30. júní

Orkumótið í Vestmannaeyjum hefur verið haldið árlega frá árinu 1984. Á mótinu keppa drengur í 6. flokki í knattspyrnu og hafa margir af bestu knattspyrnumönnum landsins tekið þátt í mótinu á sínum yngri árum. Síðdegisútvarpið sendir vitaskuld sinn fulltrúa á mótið og við treystum engum betur en Gunnu Dís til að grípa boltann á Orkumótinu.

Það er vel við hæfi í upphafi helgar og þar sem sumardagurinn eini er á næsta leyti að fá til okkar eðalgest úr suðrænni sveiflu. Bogomil Font fagnar nefnilega um þessar mundir 30 ára ferli með afmælisútgáfu plötunnar Ekki þessi leiðindi á vinyl. Bogomil sjálfur mætir til okkar og ræðir stílinn, stemminguna og þrjátíu ár af Bogomil.

Í ýmsum blaðagreinum, textum og tali hafa skinkur oft borið á góma en þá er gjarnan rætt á gildishlaðinn hátt um konur sem eru oftast gagnkynhneigðar, stífmálaðar í efnislitlum fötum og vel byrgar af brúnkukremi. Samfélagsmiðlafréttakonan Ingunn Lára Kristjánsdóttir segir okkur allt um uppruna skinkunnar.

Við ætlum að bregða okkur aftur út í Viðey og fá til okkar Björk Bjarnadóttur umhverfis- og þjóðfræðing sem ætlar að taka á móti börnum og fjölskyldum þeirra í náttúrugöngu á morgun laugardag. Þar verður fléttað saman þjóðsögum sem tengjast eynni og náttúruskoðun og við kannski nýtum tækifærið og spyrjum Björk hvort hún hafi velt sér upp úr jónsmessudögginni í eynni fyrir viku síðan.

Við rennum okkur svo aftur á Hljóðveg eitt og fylgjum Steineyju alla leið á vestasta tanga Íslands, nefnilega Látrarbjarg en þar iðar allt af fugli framan af sumri, hver snös og stallur er þar setinn. Steiney tekur fuglana fyrir vestan tali.

Við höfum ásamt hlustendum fengið far með þeim Steineyju Skúladóttur og Jóhanni Alfreð um Hljóðveg 1 núna síðustu vikur og ætlar Steiney að fylgja okkur í dag til Hólmavíkur við Steingrímsfjörð. Við heyrum meira af strandamönnum- og konum hér eftir augnablik.

Frumflutt

30. júní 2023

Aðgengilegt til

29. júní 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.