Síðdegisútvarpið

Ísland heldur Söngvakeppni,viðbrögð formanns FTT,hvítlauksrækt og djúptæknikjarni

Í tvígang hefur verið mótmælt fyrir utan Ríkisútvarpið hér í Efstaleiti vegna þátttöku Ísrael í Eurovision, annars vegar í desember og nú síðast í síðustu viku. Í bæði skiptin hefur Stefán Eiríksson útvarpsstjóri tekið á móti undirskriftarlista sem þúsundir hafa skrifað undir þar sem RÚV er hvatt til að sniðganga keppnina, þar að auki skoraði stjórn Félags tónskálda og textahöfunda á útvarpsstjóra í desember að taka ekki þátt í Eurovision í ár. Staðfest er að Ísrael verður með í keppninni í Malmö í vor. Þetta kemur fram í tilkynningu frá Samtökum evrópskra sjónvarpsstöðva, EBU, sem birt var á vef Sænska sjónvarpsins á dögunum. En hver er staðan á málinu núna, verður Söngvakeppni í ár og mun Íslands taka þátt í Eurovision þrátt fyrir að Ísrael sé með í keppninni. Rúnar Freyr Gíslason framkvæmdastjóri Söngvakeppninnar og Stefán Eiríksson útvarpsstjóri koma til okkar á eftir.

Og í kjölfarið af því að Rúnar Freyr Gíslason framkvæmdastjóri Söngvakeppninnar og Stefán Eiríksson útvarpsstjóri segja okkur af stöðu Söngvakeppninnar og þátttöku Íslands í Eurovision ætlum við að fá viðbrögð Braga Valdimars Skúlasonar formanns Félags tónskálda og textahöfunda en hann verður á línunni hjá okkur.

Janúarráðstefna Festu fer fram þann 25.janúar næstkomandi í Hörpu undir yfirskriftinni, Við skrifum mannkynssöguna, sem vísar í þau tímamót sem við stöndum frammi fyrir í loftslagsmálum og þær breytingar sem eru að eiga sér stað í starfsemi fyrirtækja þegar kemur að sjálfbærni. Markmiðið er að eiga samtal um þær áskoranir sem við mannkynið stöndum frammi fyrir í tengslum við áhrif loftslagsbreytinga og hvernig hægt er að sporna við þeim með nýrri tækni og nýsköpun. Elva Rakel Jónsdóttir framkvæmdastjóri Festu kemur til okkar á eftir og segir okkur betur frá.

Við fáum til okkar hvítlauksbændur úr Kópavogi þau Þórunn Ólafsdóttur og Harald Guðjónsson en þau hafa sannað það að það er hægt að rækta hvítlauk hér á landi. Framleiðslan er lífræn og er í blússandi vexti. Við fáum að heyra sögu þeirra hér í þættinum.

Hvað í ósköpunum er Djúptæknikjarni? Það eina sem vitum er að það á að hýsa fjölmörg svið vísinda lista og hönnunar ásamt nýsköpunar- og sprotafyrirtækum. við fáum að heyra meira af þessu spennandi verkefni í þættinum og til okkar kemur maður sem heitir Hans Guttormur og segir okkur allt um það.

Mennta- og barna­málaráðuneytið hef­ur gert samn­ing við Íslenska ætt­leiðingu um þróun verklags um samþætta þjón­ustu við börn sem ætt­leidd eru til Íslands. Ásmundur Einar Daðason mennta og barnamálaráðherra og Elísabet Hrund Salvarsdóttir framkvæmdastjóri Íslenskrar ættleiðingar undirrituðu samning þess efnis og á línunni hjá okkur er Elísabet Hrund.

Frumflutt

23. jan. 2024

Aðgengilegt til

22. jan. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.