Síðdegisútvarpið

10.nóvember

Netöryggis-og viðbragðsteymi CERT-IS hvetur fólk til að vera á varðbergi næstu vikur í tilefni af tilboðsdögum sem framundan eru og einn slíkur er einmitt á morgun svokallaður Singles day. Í tilkynningu frá Certis kemur fram að fólk eigi sérstaklega að vera á verði gagnvart öllum smáskilaboðum tengdum kaupum á netinu. Magni Sigurðsson fagstjóri yfir atvika meðhöndlun hjá Cert - is verður á línunni hjá okkur.

Í gær fengum við fréttir af því á mbl.is í gær að Móður­fé­lag Heim­kaupa hyggðist fara í slag á lág­vöru­verðsmarkaði. Stefnt sé að því að versl­un opni fyr­ir páska á næsta ári miðsvæðis á höfuðborg­ar­svæðinu. Og var haft eftir forstjóra Heimkaupa að mikil tækifæri væru á þessum tímapunkti fyrir nýja lágvöruverðsverslun. Gréta María Grétarsdóttir forstóri Heimkaupa kemur til okkar á eftir.

Nýlega kom út bókin Afi minn stríðsfanginn og er höfundur hennar fjölmiðlakonan Elín Hirst. Sögusviðið er heimstyrjöldin síðari en skömmu eftir að Bretar hernámu Ísland handtóku þeir alla Þjóðverja sem bjuggu á landinu, skipti þá engu hvort þeir studdu málsstað nasista eður ei. Karl Hirst, afi Elínar Hirst, var einn þessara manna og beið hans eins og hinna vist í fangabúðum í Englandi. Og þegar vistinni í fangabúðunum lauk tók við annar hryllingur. Elín kemur til okkar á eftir og segir okkur betur frá.

Á morgun fer fram Matarmótið 2023 í Valaskjálf á Egilsstöðum en þar munu framleiðendur frá Austurlandi kynna og selja fjöbreyttar vörur og gefa góð ráð. Í fyrramálið verður á dagskrá málþing um landsins gæði en þar verður meðal annars farið yfir niðurstöður könnunar sem lögð var fyrir íbúa Austurlands síðastliðið vor og ýmsir sérfæðingar fengnir að borðinu til að rýna hana. Við ætlum að fræðast um þennan mikla matardag fyrir austan í þættinum en Halldóra Dröfn Hafþórsdóttir verkefnastjóri hjá Austurbrú veit allt um málið.

Nú má sjá Fb færslur sem hljóma svo : Ekki gleyma að á morgun byrjar nýja Facebook reglan þar sem þeir geta notað myndirnar þínar. Ekki gleyma frestinum í dag!! Það er hægt að nota það í málsóknum gegn þér. Allt sem þú hefur nokkurn tíma birt verður opinbert frá deginum í dag jafnvel skilaboðum sem hefur verið eytt. Einfalt afrit og líma kostar ekkert, betra í öruggri kantinum. En hvað þýðir þetta ? Atli Fannar Bjarkason segir okkur allt um það.

En við byrjum á þessu Albertína Friðbjörg Elíasdóttir framkvæmdastjóri SSNE er á línunni hjá okkur en Albertína skrifaði pistil sem birtist á akureyri.net á dögunum þar sem hún benti á þá ótrúlegu staðreynd að það væri ódýrast að fljúga á milli

Frumflutt

10. nóv. 2023

Aðgengilegt til

9. nóv. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.