Síðdegisútvarpið

Týndu stelpurnar, sönn íslensk sakamál og bílastæðin við Leifsstöð

Heilbrigðistæknifyrirtækið Sidekick Health í samstarfi við dr Sigríði Björnsdóttur sérfræðing í innkirtla - og efnaskiptasjúkdómum og Hjartavernd birti nýverið í Journal og Medical Internet Research Cardio niðurstöður rannsóknar sem gerð var hér á landi meðal einstaklinga með fitulifur. Niðurstöðurnar lofa góðu um gagnsemi starfræns meðferðarúrræðis við meðhöndlun fitulifrar og við ætlum að heyra í Sigríði og fá hana til að segja okkur af tilurð rannsóknarinnar og við spyrjum hana líka út í fitulifur hverjar orsakir eru og hverjir eru líklegri en aðrir til að fá slíkt.

Samkvæmt mælaborði ferðaþjónustunnar hefur erlendum brottfarafarþegum á Keflavíkurflugvelli fjölgað það sem af er þessu ári miðað við sama tíma í fyrra og svo virðist sem jarðhræringar og dýrtíð hér á landi hafi ekki áhirf á þann fjölda sem ákveður að heimsækja landið. Arnar Már Ólafsson ferðamálastjóri ætlar að koma til okkar á eftir og ræða við okkur um áfangastaðinn Ísland.

Nýlega var opnuð vefsíðan tyndustelpurnar en þar er að finna upplýsingar fyrir konur og stelpur með adhd og er síðan alhliða verkfærakista fyrir þær og þeirra nánasta umhverfi. Stella Rún Steinþórsdóttir sem fékk adhd greiningu uppúr þrítugt er ein stofnenda síðunnar og hún ætlar að koma til okkar á eftir og segja okkur frá hvers vegna farið var út í að opna vefinn og hvað þar er að finna.

Íslandspóstur tilkynnti í síðustu viku um lokun pósthúsanna í Neskaupstað, á Eskifirði, Fáskrúðsfirði og Breiðdalsvík. Í erindi sem Pósturinn sendi Byggðastofnun, sem hefur eftirlit með póstþjónustu, kemur fram að reiknað sé með að loka pósthúsunum frá og með 1. júní þótt nákvæmur lokunardagur liggi ekki fyrir. Við heyrum í Ragnari Sigurðssyni formanni bjæarráðs í Fjarðabyggð og fáum viðbrögð hans við þessum áformum póstsins.

Helgi Jóhannsson & Hörður Sveinsson - leikstjórar Íslenskra Sakamála koma til okkar á eftir, en fyrsti þáttur af Íslenskum sakamálum var frumsýndur í Sjónvarpi Símans sl. fimmtudag og við ætlum að forvitnast um þessa nýju seríu síðar í þættinum.

Fyrir helgi bárust fréttir af því að öll langtímastæði við Keflavíkurflugvöll væru uppseld fram yfir páska. En hvernig á fólk að snúa sér sem er að ferðast frá landinu og hvar á þetta fólk að leggja ? Guðjón Helgason upplýsingafulltrúi Isavia er á línunni hjá okkur.

Frumflutt

25. mars 2024

Aðgengilegt til

25. mars 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.