Síðdegisútvarpið

15.ágúst

Vel hefur verið fylgst með því sem fram fer við Öskju síðan um helgina þegar þjóðgarðsverðir sáu að gígurinn Víti við Öskjuvatn var orðinn heitari en fyrr í sumar. Mikils brennisteinsþefs varð vart í gær og um helgina og vísindamenn á vegum veðurstofunnar halda að Öskju í dag til rannsókna. Askja hefur risið um um það bil fjörutíu sentimetra á tveimur árum, sem jafngildir um tuttugu milljónum rúmmetra af kviku. Við ætlum að heyra í Önnu Þorsteinsdóttur þjóðgarðsverði á svæðinu í þættinum á eftir.

Við í Síðdegisútvarpinu höldum áfram að velta fyrir okkur leikvöllum á Íslandi, en í gær opnuðum við fyrir símann og spurðum hlustendur hvað mætti betur fara á leikvöllum landsins og hvar bestu leikvellina væri að finna. Í dag fáum við svo til okkar konu sem hefur grandskoðað ótal leikvelli og skrifað skýrslu um leikskólalóðir á Norðurslóðum. Hún heitir Karen Lind Árnadóttir og kemur til okkar í hljóðverið á Akureyri, þar sem Gígja Hólmgeirsdóttir tekur á móti henni.

Mikil hitabylgja hefur geysað á Kanaríeyjum undanfarið en hitaviðvörun var gefin þar út um miðja síðustu viku og mædist hitinn 45 gráður í Maspalomas á Gran Canaria á föstudaginn. Við ætlum að hringja út og heyra í Guðrúnu Höllu Jónsdóttur og spyrja hana útí hvernig lífið síðustu daga hefur verið og hver staðan sé núna á Kanarí.

Golfvellir á Íslandi eru yfir 60 talsins. Einn af þeim fallegri er í Skagafirðinum og þar er öflug starfsemi. Síðdegisútvarpið fór á stúfana og náði tali af Atla Frey Rafnssyni íþróttastjóra Golfklúbbs Skagafjarðar en okkur leikur forvitni á að vita hvort Skagfirðinigar séu miklir golfáhugamenn.

Á laugardaginn á að fagna útkomu bókarinnar Betri tjáning - Örugg framkoma við öll tækifæri eftir Sirrý Arnardóttur. Bókin fjallar um samskipti fólks í raunheimum og rafheimum. Við ætlum að fá Sirrý til okkar hingað á eftir og fá hana til að segja okkur frá þessari nýjustu afurð sinni og þá sérstaklega ræða við hana um rafrænu samskiptin sem hún tekur fyrir í bókinni.

En við byrjum á þessu, Við ætlum að fjalla um Havaí, Maui og skógareldana í Lahaina næstu mínúturnar. Minnst 99 eru látin vegna skógareldana á Havaí. Búist er við því að fleiri eigi eftir að finnast látin næstu daga þar sem yfir 1.300 manns er enn saknað. Josh Green ríkisstjóri Havaí sagði á blaðamannafundi í dag að björgunarsveitarfólk sé búið að yfirfara 25 prósent af svæðinu sem brann og gerir hann ráð fyrir að það muni taka tíu daga að yfirfara allt svæðið og komast að heildarfjölda látinna. Þúsundir eru heimilislausir og ferðamannaborgin Lahaina er nánast r

Frumflutt

15. ágúst 2023

Aðgengilegt til

14. ágúst 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.