Síðdegisútvarpið

9.júní

í fyrra var farið í átaksverkefni hjá Karolinska sjúkrahúsinu í Stokkhólmi með það að markmiði að vinna niður biðlista vegna aðgerða sem safnast höfðu upp hjá stofnuninni. Skemmst er frá því að segja að átakið hefur skilað miklum árangri jafnt fyrir skjólstæðinga sjúkrahússins og starfsfólkið og í raun fyrir allt starfið á spítalanum. Björn Zoega er forstjóri Karonlinska sjúkrahússins hann kemur til okkar á eftir og segir okkur frá verkefninu og helstu lyklunum að þessum góða árangri.

Á vefnum sofn.is eru upplýsingar um öll söfn, setur og sýningar landsins. Með því að skrá sig inn á vefinn er hægt að merkja við þau söfn sem viðkomandi hefur heimsótt og í kjölfarið getur fólk byrjað að safna söfnum. Dagrún Ósk Jónsdóttir veit allt um þetta áhugaverða verkefni hún segir okkur frá á eftir.

OK var eitthvað sem þjóðin söng hástöfum á meðan á Söngvakeppninni stóð. Það var algerlega hljómsveitinni Langa Sela og Skuggunum að kenna, eða þakka. En hvað er að frétta af Axel Hallkeli Jóhannessyni og félögum. Okkur grunar að þeir sé allt annað en hættir. Langi Seli sjálfur mætir til okkar á eftir og hressandi föstudagsspjall.

Við ætlum að heyra í íslenskri leikkonu sem heitir Sigurbjörg Alma Ingólfsdóttir eða Siddy Holloway. Hún hefur verið að gera það gott í Bretlandi og víðar í þáttum sem heita á frummálinu The secret of the London Underground eða leyndardómar neðanjarðarlestarkerfisins í London. Þættirnir urðu til fyrir algjöra tilviljun og við fáum að heyra allt um það hér í þætti dagsins.

CBD er skammstöfun sem við heyrum æ oftar, en hún stendur fyrir cannabidoil. CBD hefur verið til sölu á íslandi um nokkurt skeið. En hvað er þetta og er fólk alveg orðið ófeimið við að segjast nota CBD eða fylgir því einhver skömm? Ragnar Helgason er einn þeirra sem selur CBD, ekki nóg með það hann lætur gera sína eigin olíu. Hann er væntanlegur í þáttinn til að ræða við okkur um CBD.

En byrjum á þessu en sextíu manna hópur fólks hefur undanfarnar þrjár vikur hreinsað rusl í kringum flugstöðina okkar vegna þess að fólkinu í hópnum þykir það óboðlegt að gestir sem heimsækja okkar fagra land þurfi að horfa á sóðaskap við fyrstu kynni landsins. Tómas J Knútsson er meðlimur hópsins og er hann á línunni.

Frumflutt

9. júní 2023

Aðgengilegt til

8. júní 2024

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.