Síðdegisútvarpið

Sérsveitin í stuðningi í Köln, snjóstormur í aðsigi, styðjandi frændur í Færeyjum og staða á mati Náttúruhamfaratrygginga í Grindavík.

Matsmenn á vegum Náttúruhamfaratryggingar Íslands hafa unnið við matsgerðir á fasteignum í Grindavík að undanförnu. Fyrir helgi var búið að skoða 260 húseignir í Grindavík en 115 biðu tjónaskoðunar. Vegna eldgossins sem hófst á sunnudaginn boðuðu Náttúru-hamfaratryggingar Íslands að matsgerðir myndu tefjast. En hver eru næstu skref stofnunarinnar nú þegar að kvikugangurinn í Grindavík heldur áfram að breikka og síga í nýja sigdalnum og fyrir norðan bæinn. Hulda Ragnheiður Árnadóttir forstjóri Náttúruhamfaratryggingar Íslands verður á línunni hjá okkur á eftir.

Sagt var frá því í færeyskum miðlum í gær að Rauði kross­inn þarlendis hafi hrint af stað söfn­un fyr­ir Grind­vík­inga en frá þessu var greint í fær­eyska vef­miðlin­um in.fo. Þetta var gert í kjölfar þess að Rauði krossinn á Íslandi hóf tímabundna söfn­un til aðstoðar þeim sem hafa orðið fyr­ir áhrif­um eld­goss­ins í Grinda­vík og Fær­ey­ing­ar voru ekki lengi að bregðast við í sínum stuðningi. Ekki er þetta í fyrsta skipti sem frændur okkar í Færeyjum leggja hendur á plóg að sýna íslensku þjóðinni samhug. Við heyrum í Oddi Frey Þorsteinssyn, kynningar- og fjölmiðlafulltrúa Rauða krossins hér í Reykjavík um söfnunina og frændur okkar Færeyinga.

Veðurstofan spáir talsverðri snjókomu í nótt og fram á morgundaginn á sunnan- og vestanverðu landinu. Viðbúið er að akstursskilyrði versni og á nokkrum stöðum geta samgöngur raskast. Við heyrum í Hjalta Jóhannesi Guðmundssyni hjá Reykavíkurborg og spyrjum hvort allir séu klárir í bátana og hvernig snjóhreinsun verður háttað í fyrramálið.

Íslenska karlalandsliðið í handbolta náði sæti í milliriðli EM í gær þrátt fyrir að tapa illa sinni viðureign á móti Ungverjalandi í München. Við taka nú erfiðir leikir á móti alræmdum handboltaþjóðum, eins og Þýskalandi, Frakklandi og Króatíu meðal annarra. En milliriðillinn fer fram í Köln og þangað fara nú strákarnir okkar rétt eins og okkar fólk í Sérsveitinni, stuðningsmannasveit íslenska landsliðsins. Þau voru stödd í lestinni í átt að Köln áðan og við ætlum að heyra í Kjartani Vídó Ólafssyni, markaðsstjóra HSÍ sem er með þeim í ferð og spyrja hvort liðið og stuðningsfólk sé ekki að ná vopnum sínum aftur eftir ósigurinn í gær.

Sveitastjórn Skeiða- og Gnúpverjahrepps samþykkti í síðustu viku að samhliða forsetakosningunum í byrjun júní að íbúar kjósi einnig um hvort breyta eigi nafni sveitarfélagsins og hvert það nafn eigi að vera. Boða á til íbúafundar í mars þar sem málið verður kynnt og rætt en Skeiðahreppur og Gnúpverjahreppur sameinuðust árið 2002. Við ætlum að heyra í Haraldi Þór Jónssyni oddvita hreppsins á eftir og spyrja hann nánar út í þetta allt saman.

En við byrjum á því að hringja út í heim, beint í Björn okkar Malmquist sem segir okkur hvað ber hæst í Brussel þessi dægrin.

Tónlist frá útsendingarlogg 2024-01-18

KRASSASIG - Einn Dag Í Einu.

Ásgeir Trausti Einarsson - Part of me.

RAVEN & RÚN - Handan við hafið.

SSSÓL - Síðan Hittumst Við Aftur.

Police, The - Walking on the moon.

NÝDÖNSK - Lærðu Að Ljúga.

FRIÐRIK ÓMAR & JÓGVAN - Rómeo og Júlía.

Sheeran, Ed - American Town.

DJ Ötzi - Sweet Caroline.

Bryan, Zach, Musgraves, Kacey - I Remember Everything.

HIPSUMHAPS - Á hnjánum.

HILDUR - I'll Walk With You.

Frumflutt

17. jan. 2024

Aðgengilegt til

16. jan. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.