Síðdegisútvarpið

27. október

Vinsældir orkudrykkja hafa aukist mikið síðustu ár þar sem áhrif þeirra eru gjarnan ?hressandi? en geta jafnframt verið ávanabindandi. Drykkirnir innihalda sætuefni og koffín í óhóflegu magni ásamt öðrum virkum efnum og ættu ekki að teljast sem svaladrykkir í venjulegum skilningi. Birna G. Ásbjörnsdóttir doktorsnemi í heilbrigðisvísindum við Háskóla Íslands hefur rannsakað áhrif orkudrykkja á líkamann, þá aðallega þarmaflóruna en einnig heilann og taugakerfið. Birna ræðir við okkur um neikvæð áhrif orkudrykkja.

Vilhjálmur Árnason þingmaður og ritari Sjálfstæðisflokksins vill afnema heiðurslaun listamanna og hefur hann lagt fram frumvarp þar sem að lagt er til að lög um heiðurslaun listamanna nr.66/2012 verði felld brott. Vilhjálmur verður á línunni hjá okkur og gerir grein fyrir frumvarpi sínu.

Alþjóðlega barnakvikmyndahátíð hefst á morgun í Bíó Paradís í Reykjavík og stendur út næstu viku. Þar verður ýmislegt krassandi í boði. Hrönn Sveinsdóttir framkvæmdastjóri Bíó Paradísar setur okkur inn í málin.

Dúkkulísurnar gáfu út lagið Minning ljúf á dögunum en lagið er eftir Erlu söngkonu hljómsveitarinnar og Sigurgeir Sigmundsson gítarleikara. Textinn er eftir Þórhöllu Arnardóttur, sem var kær vinkona Dúkkulísanna en hann samdi hún til bróður síns sem lést í fallhlífstökkslysi árið 2013 í Flórída. Sjálf féll Þórhalla frá á síðasta ári eftir snarpa baráttu við brjóstakrabbamein. Þau Erla Ragnarsdóttir og Kolbeinn Már Guðjónsson eiginmaður Þórhöllu heimsækja þáttinn.

Í lok október og byrjun nóvember ár hvert bjóða Skagamenn til menningarhátíðarinnar Vökudaga. Sú sem veit allt um Vökudaga er Vera Líndal Guðnadóttir Verkefnastjóri Menningar- og safnamála hjá Akraneskaupstað og við sláum á þráðinn til hennar upp á Skaga.

Frá og með næstu áramótum munu einstaklingar og fyrirtæki geta sótt um styrk vegna kaupa á rafbílum og öðrum orkuhlutlausum bifreiðum en styrkurinn á að koma í stað skattaívilnana sem eru að falla úr gildi. Bílasalar hafa áhyggjur af þessari breytingu og hafa bent á að allar ívilnanir ríkisins til fólks sem vill kaupa sér rafmagnsbíl muni stuðla að viðskiptum við umboðin á meðan þeir sitji eftir með sárt ennið. Björn Sigurðsson einn eigandi fyrirtækisins Auto Trade sem á og rekur Stóru Bílasöluna er hingað kominn.

Guðrún Dís Emilsdóttir og Kristján Freyr Halldórsson stýrðu þætti kvöldsins.

Frumflutt

27. okt. 2023

Aðgengilegt til

26. okt. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.