Síðdegisútvarpið

31.október

Það er alltaf spenna fyrir því hjá bókelskum landsmönnum að sjá hverjir eru að gefa út og hvaða bækur. Það gerist ekki alltaf að par sendi frá sér eina bók hvor sama árið en þannig er það í ár. Bergþóra Snæbjörnsdóttir og Bragi Páll Sigurðarsson hafa bæði vakið athygli fyrir skáldsögur, önnur skáldsaga Braga Páls Arnaldur Indriðason deyr fór á mikið flug og Bergþóra Snæbjörnsdóttir hefur verið tilnefnd til íslensku bókmenntaverðlaunanna fyrir skáldsöguna Svínshöfuð svo eitthvað sé nefnt. Nýjar bækur þeirra heita Duft eftir Bergþóru og Kjöt eftir Braga Pál. Þau kíkja í heimsókn til okkar strax að loknum fimm fréttum.

Í dag lenti fyrsta flugvél EasyJet á Akureyrarflugvelli og hóf þar með vikulegt áætlunarflug í vetur. Um hundrað farþegar komu með fyrsta áætlunarflugi EasyJet frá London í dag. Tekið var á móti þessum fyrstu farþegum við hátíðlega athöfn á Akureyrarflugvelli. Þetta er stór áfangi sem mun vafalítið breyta öllum forsendum fyrir heilsárs ferðaþjónustu og Norður og Austurlandi. Arnheiður Jóhannsdóttir framkvæmdastjóri Markaðsstofu Norðurlands verður á línunni hjá okkur á eftir.

Misbrigði IX (níu) er samstarfsverkefni milli annars árs nemenda Listaháskóla Íslands í fatahönnun og fatasöfnunar Rauða kross Íslands þar sem nemendur hanna og vinna fatalínu úr notuðum fatnaði og textíl sem Rauði krossinn útvegar. Nemendur fræðast í gegnum hönnunarferlið um skaðsemi fjöldaframleiðslu og möguleika og nauðsyn þess að nýta þau hráefni sem eru nú þegar til staðar. Námskeiðinu lýkur með tískusýningu á fimmtudaginn. Arnar Freyr Hjartarsson og Íris Ólafsdóttir eru á meðal þátttakenda, þau kíkja til okkar.

Íslenska kvennalandsliðið í fótbolta mætir Þýskalandi í Þjóðadeildinni í kvöld. Íslenska liðið á harma að hefna eftir stórtap gegn Þjóðverjum ytra. Leikurinn hefst kl. 19:00 á RÚV og við ætlum að spá í spilin og hita upp fyrir leikinn á eftir með Gunnari Birgissyni íþróttafréttamanni.

Á morgun 1. nóvember er alþjóðlegur dagur grænkera eða World Vegan day og af því tilefni verður slegið í glæsilegt pálínuboð á kaffihúsinu Bókasamlaginu Skipholti. Þá munu Samtök Grænkera á Íslandi einnig afhenda hvatningaverðlaun. Öll eru velkomin á viðburðinn sem mæta með vegan veitingar á hlaðborðið. Valgerður Árnadóttir formaður samtakanna ætlar að kíkja til okkar og segja okkur frá.

En við ætlum að byrja á máli málanna málanna sem er hrekkjavakan. Ein þeirra sem staðið hefur í stórræðum á hrekkjavökunni síðustu ár er Ína Dögg Eyþórsdóttir en hún er búsett í Vesturbænum og hún er á línunni hjá okkur.

Frumflutt

31. okt. 2023

Aðgengilegt til

30. okt. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.