Síðdegisútvarpið

11.september

Áherslur í kyn og hinsegin fræðslu í grunnskólum hafa vakið athygli undanfarið eftir að myndir af kennsluefni fóru á flug á samfélagsmiðlum og hafa sætt þar harðri gagnrýni. Helgi Grímsson sviðsstjóri skóla og frístundasviðs Reykjavíkurborgar segir námsefninu ætlað að sporna gegn áhrifum kláms. Kennsluefni þar sem BDSM hneigð er listuð með öðrum kynhneigðum og texta þar sem stendur :"þú átt þinn líkama og mátt taka myndir af honum en þarft þess alls ekki." er meðal þess sem vakið hefur hörð viðbrögð. Í gagnrýninni sem fram hefur komið er ekki gerður greinamunur á annars vegar kynfræðslu og hinsvegar hinseginfræðslu sem fram fer innan skólanna. Við ætlum að fá til okkar á eftir Tótlu I. Sæmundsdóttur fræðslustýru samtakanna 78 og fá hana til að greina þarna á milli, ræða við hana um aðkomu samtakanna að hinseginfræðslu í skólum og spyrja út í hvað það er sem þau eru að kenna í skólunum.

Samtökin Framvís sem eru samtök vísifjárfesta á Íslandi fengu nýverið KPMG til að gera skýrslu um jafnrétti í fjárfestingum sprotafyrirtækja en þau þróa flest lausnir og afurði byggðar á íslensku hugviti. Við athugum mátti sjá að frekar var fjárfest í karlateymum en kvennateymum en samtökin vilja sjá þetta breytast og að það sé jafnrétti í fjárfestingum sprotafyrirtækja. Ísland stendur sig þó betur en nágrannaþjóðir okkar en betur má ef duga skal.Við fáum til okkar Sigurð Arnljótsson en hann er stjórnarformaður Framvís til að segja okkur nánar frá þessari skýrslu og almenn um stöðu sprotafyrirtækja og fjárfestinga í greininni.

Hildur Sverrisdóttir þingmaður Sjálfstæðisflokksins ætlar að leggja fram frumvarp í haust þar sem að hún mun leggja til breytingar á greiðsluþátttöku hins opinbera vegna tæknifrjóvgana og ófrjósemisaðgerða. Við ætlum að heyra í Hildi á eftir og fá að heyra hvað það er sem hún mun leggja til í fyrirhuguðu frumvarpi.

íbúar á höfuðborgarsvæðinu geta tekið gleði sína á ný því kaupmaðurinn á horninu skýtur aftur upp kollinum. Með komu Pikkoló sem er í raun sjálfbær þróun kaupmannsins getur fólk aftur nálgast vörur sínar skammt frá heimilum sínum sem hefur líka áhrif á umferðina. Ragna Margrét Guðmundsdóttir framkvæmdastjóri Pikkoló kemur til okkar í þáttinn og segir okkur betur frá.

Íslenska karlalandsliðið í fótbolta tekur á móti Bosníu á Laugardalsvelli í kvöld í undankeppni EM 2024. Næstum tvö ár eru frá síðasta heimasigri Íslands á vellinum. Þá hefur liðið aðeins unnið tvo leiki á vellinum síðustu fjögur ár. Einar Örn Jónsson íþróttafréttamaður kemur til okkar og hitar upp fyrir leikinn.

En við by

Frumflutt

11. sept. 2023

Aðgengilegt til

10. sept. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.