Síðdegisútvarpið

Áfallasaga kvenna,Grindvíkingar vitja eigna sinna,frískápsvandræði og veðrið

Ríflega 30 þúsund konum, sem tóku þátt í rannsókninni Áfallasaga kvenna á árunum 2018-2019, býðst nú að taka þátt í eftirfylgdarrannsókn með því að svara nýjum spurningalista um áföll, lífsstíl og heilsufar. Rannsóknin er einstök á heimsvísu og hefur fyrsti hluti hennar leitt í ljós afar áhugaverðar niðurstöður um tíðni ýmissa áfalla og tengsl þeirra við heilsufar kvenna á Íslandi. Arna Hauksdóttir, prófessor og einn aðalrannsakandi Áfallasögu kvenna kemur til okkar í þáttinn og segir okkur betur frá helsu niðurstöðum fyrri rannsóknar og hvað sé nákvæmlega verið að rannsaka í þeirri seinni.

Fyrir helgi fór fram kynning á Lífsbrú miðstöð sjálfsvígsfornvarna hér á landi og Lífsbrú sjóði í húsakynnum embætti landslækni og kom Guðrún Jóna Guðlaugsdóttir verkefnastjóri sjálfsvígsforvarna til okkar. Staðan er sú að á Íslandi deyja árlega að meðaltali 39 einstaklingar í sjálfsvígi og er meira en helmingur þeirra yngri en 50 ára. Við ætlum að beina sjónum okkar enn frekar að þessum viðkvæma málaflokk í dag og fá til okkar Ingibjörgu Isaksen sem lagði þann 1.desember fram tillögu til þingsályktunar um rannsókn á orsakaferli í kjölfar sjálfsvígs. En hvað felst í tillögunni? Ingibjörg segir okkur frá því á eftir.

Við höfum nokkrum sinnum fjallað um frískápa hér í Síðdegisútvarpinu en þeir hafa verið að dúkka upp á ýmsum stöðum hér á höfuðborgarsvæðinu og hefur mikil ánægja ríkt í kringum verkefnið. Nú eru uppi hugmyndir um að loka frískápnum í Mosfellsbænum og ástæðan er slæm umgengni við heyrum í Gerði Pálsdóttur sem hefur haft veg og vanda af frískápnum i Mosó,

Grindvíkingar fóru heim til sín í dag til að sækja eitthvað af eigum sínum. Leiðindaveður og færð setti strik í reikninginn hjá einhverjum. Við ætlum að heyra í Páli Val Björnssyni á eftir en hann er einn þeirra sem ætlaði að freista þess að komast heim.

Við rákum augun í það að verslunarkeðjan Lindex hefur sett af stað verkefnið Gefðu það áfram. Með verkefninu er Lindex að taka næsta skref í átt að sjálfbærni og nú býðst viðskiptavinum þeirra að koma með gömul barnaföt frá þeim í verslanir og fá fyrir það innleggsnótu. Notuðu fötin mun verslunin síðan selja áfram til þeirra er kjósa að kaupa notað en ekki nýtt. Við ætlum að forvitnast um tilurð þessa verkefnis á eftir og heyra í Albert Þór Magnússyni umboðsaðila Lindex á Íslandi.

En við ætlum að byrja á veðrinu og veðurspánni. Það hefur verið leiðindaveður víða í dag, éljagangur og slydduél sem aftur gerir það að verkum að færðin verður óskaplega leiðinleg. Á línunni hjá okkur er Óli Þór Árnason veðurfræðingur hjá Veðurstofu Íslands.

Frumflutt

29. jan. 2024

Aðgengilegt til

28. jan. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.