Síðdegisútvarpið

Spáð í forsetaspilin með Birni Inga, Ásthildur bæjarstjóri vill göng og Stockfish

Ljóst er að margir sækjast eftir því að verða næsti forseti lýðveldisins en inn á vefnum island.is hafa 60 manns stofnað til meðmælasöfnunar. Margir hafa verið orðaðir við embættið og um helgina fengum við fregnir af því að lénið katrínjakobs.is hefði verið stofnað auk lensins hallahrund.is. Sjálfstæðismenn funda um mögulegt framboð Katrínar á morgun og Þorgerður Katrín vill kosningar óháð valhoppi Katrínar Jakobsdóttur. En hvað gerist eiginlega næst ? Einn þeirra sem hefur aðeins reynt að spá fyrir um það er Björn Ingi Hrafnsson ritstjóri Viljans og hann ætlar að koma til mín á eftir og fara aðeins yfir sviðið með okkur.

Síðustu dagar hér á landi hafa einkennst af vondu veðri og ófærð og hafa landsmenn á leið úr páskafríi víða lent í vandræðum vegna þessa. Öxnadalsheiðin var til að mynda lokuð í lengri tíma vegna ófærðar og slæms skyggnis en var opnuð um klukkan níu í morgun en þá var nostast við fylgdarakstur. Ásthildur Sturludóttir bæjarstjóri Akureyrarbæjar tjáði sig um það á feisbúkk í gær að það lægi í augum uppi að huga þurfi alvarlega að jarðgöngum á milli Eyjafjarðar og Skagafjarðar. Ásthildur verður á línunni hjá okkur á eftir.

Þórunn Lárusdóttir leikkona, leikstjóri og stjórnarmeðlimur Stockfish hátíðarinnar kemur til mín á eftir ásamt Hrönn Kristinsdóttur framkvæmdastjóra Stockfish en þær ætla að segja okkur frá hátíðinni sem hefst núna á fimmtudaginn og stendur í tíu daga í Bíó Paradís. Hvað er það helsta sem þarna verður í boði ? Meira um það hér á eftir.

Stærsta kokteilahátíð Íslands, Reykjavík Cocktail Weekend verður haldin 3. – 7. Apríl en það er Barþjónaklúbbur Íslands stendur fyrir þessari árlegu hátíð og hingað til mín á eftir til að segja okkur frá þessu koma þeir Ómar Vilhelmsson verkefnastjóri og Teitur Riddermann Schiöth forseti Barþjónaklúbbs Íslands.

Okkar maður í Síðdegisútvarpinu Kristján Freyr er staddur fyrir vestan að pakka saman eftir vel heppnaða Aldrei fór ég suður hátíð og við ætlum aðeins að taka stöðuna á honum fyrir lok þáttar.

En við byrjum á þessu: Óvíst er að vegagerðinni takist að opna Fjarðarheiði og rjúfa einangrun Seyðfirðinga í dag en djúp snjógöng hafa myndast á heiðinni. Vegagerðinni og björgunarsveitinni Ísólfi tókst að fylgja 95 bílum yfir heiðina í gærkvöld. Á línunni hjá mér er Jón Halldór Guðmundsson nefndarmaður í heimstjórninni á Seyðisfirði.

Frumflutt

2. apríl 2024

Aðgengilegt til

2. apríl 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.