Síðdegisútvarpið

2.júní

Við rákumst á frétt á vef Morgunblaðsins, mbl.is, í dag þar sem greint er frá því að verið sé að bjóða stúlkum í 9. bekk í heimsókn í Háskólann í Reykjavik eftir helgi þar sem kynna á tæknimenntun. Móðir stúlku í Lindaskóla vakti athygli á þessu og velti því fyrir sér hvers vegna strákum í sama árgangi sé ekki boðið með. Svörin sem hún fékk frá forsvarsmönnum Lindaskóla voru þau að HR væri með þessu að hvetja stúlk­ur til að fara í tækni­nám þar sem meiri­hluti þeirra sem eru í því námi eru strák­ar. Strákarnir í árgangnum munu fara í boltaleik á meðan. Við heyrum í Ragnhildi Helgadóttur rektor Háskólans í Reykjavík og spyrjum hana út í þetta.

Í ár eru 50 ár frá stofnun Barnaheimilisins Óss, félagasamtaka sem reka foreldrarekinn leikskóla í Reykjavík. Starfsemi Óss hófst í Dugguvogi árið 1973 fyrir tilstillan og hugsjón foreldra sem vildu taka málin í eigin hendur. Barnaheimilið Ós er eini foreldrarekni leikskólinn í Reykjavík en rekstrarformið felur í sér beina aðkomu foreldra að ákvörðunartöku og rekstri leikskólans í samvinnu við hugsjónaríkt starfsfólk. Við ætlum að fá til okkar á eftir Stefán Baldursson einn af stofnendum leikskólans og Guðríði Láru Þrastardóttur sem er í stjórn skólans og spyrja hvernig félagasamtökunum hafi gengið að reka eigin leikskóla í fimmtíu ár.

Mikið verður um að vera um helgina hjá áhugafólki MMA bardagaíþrótta en heljarinnar mót fer fram hérlendis auk þess sem við erum að senda keppendur á mót erlendis. Þeir Pétur Marinó Jónsson, sem ritstýrir netsíðunni MMAfréttir og Kristján Helgi Hafliðason, yfirþjálfari Mjölnis og margfaldur Íslandsmeistari koma til okkar.

Sjómannadagurinn er núna á sunnudaginn og við ætlum að hringja til Ólafsvíkur þar sem Rut Sigurðardóttir er stödd en hún er skipstjóri Trillukallakórsins. Rut stofnaði Trillukarlakórinn sem gjörning í tengslum við heimlidamynd hennar SKULD sem hún frumsýndi á Skjaldborg á Patreksfirði um nýliðna helgi. Í myndinni er að finna lagið Þorskbæn, lag eftir Björgvin Halldórsson við texta eftir Kristján frá Djúpalæk í flutningi Kristjáns Torfa trillu skipstjóra. Við ætlum að spjalla við Rut á eftir þar sem hún verður á hljómsveitaræfingu og forvitnast um myndina og kórinn og svo auðvitað að fá að heyra lagið á líka.

Gagnaglíman, netöryggiskeppni ungs fólks verður haldin um helgina. Gagnaglíman er undankeppni fyrir Netöryggiskeppni Evrópu og markmið hennar er að mennta ungt fólk í netöryggi og hvetja það til að leggja það fyrir sig sem atvinnu. Hjalti Magnússon, formaður keppninnar, kemur til okkar.

En við byrjuðum á að heyra í Em

Frumflutt

2. júní 2023

Aðgengilegt til

1. júní 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.