Síðdegisútvarpið

Kommablót,Kveikur,Giggó og blikur á lofti í ferðaþjónustu

Í viðtali við aðila í ferðaþjónustu á Vísi í dag kom fram að vísbendingar væru um að ferðamynstur sé að breytast og ferðmenn sem komi til landsins muni dvelja skemur og eyða minna en þeir gerðu á árunum 2022 og 2023. Eins er efi uppi um að vöxtur í fjölda ferðamanna verði ekki í ár líkt og á árum áður. Það er þvert á opinberar spár. Jóhannes Þór Skúlason er framkvæmdastjóri Samtaka ferðaþjónustunnar og hann ætlar að fara yfir stöðuna með okkur.

Ákveðið hefur verið að seinka upphafi skóladags unglinga í Reykjavík frá og með næsta hausti og byrja skóladaginn kl. 9:10. Tilraunaverkefni fór í gang í Vogaskóla haustið 2022 og virðist hafa gengið vel - Snædis Valsdóttir skólastjóri Vogaskóla ssagði okkur betur frá hvaða áhrif þessi breyting hafði á unglingana þar á bæ.

Nýtt app hefur verið sett í loftið en það nefnist Giggó. Appið á að hjálpa gigg-samfélaginu að eflast og dafna. Meðal þess sem appið býður upp á er að þar geta einstaklingar og fyrirtæki sett inn auglýsingar um verkefni sem þarf að vinna og giggarar boðið sig fram í verkið. Sú sem allt veit um Giggó heitir Anna Kartín Halldórsdóttir og hún kom í Síðdegisútvarpið.

Vetrarhátíð í Reykjavík verður haldin dagana 1.–3. febrúar 2024 og fer hátíðin fram í öllum sex sveitarfélögum höfuðborgarsvæðisins. Þessi hátíð ljóss og myrkurs samstendur af þrem meginstoðum: Safnanótt, Sundlauganótt og ljósalist ásamt yfir 150 viðburðum þar sem fjöldi listamanna tekur þátt í að skapa einstaka stemningu í borginni. Aðalheiður Sveinsdóttir er verkefnastjóri hjá Reykjavíkurborg og hún sagði okkur betur frá vetrarhátíðinni.

Í Kveiksþætti kvöldsins verður fjallað um fangelsismál á Íslandi og í lýsingu þáttar er talað um fjársvelt og vanrækt kerfi. Jóhann Bjarni Kolbeinsson og Ingvar Haukur Guðmundsson komu til okkar á eftir og sögðu okkur betur frá þættinum í kvöld.

Þorrinn hófst á bóndadegi síðasta föstudag og hófst þá vertíð þorrablótanna. Ýmis átthagafélög úti á landi undirbúa það nú að blóta þorra sem og fjölmörg íþróttafélög sem meðal annars hafa staðið fyrir mjög fjölmennum þorrablótum hér syðra. En í Neskaupstað austur á fjörðum stendur undirbúningur fyrir „Kommablót“ yfir. Þau eru nú varla mörg kommablótin og hafi einhver haldið að dagar Kommablótsins í Neskaupstað væru taldir verður sá hinn sami eða sú sama að éta það snarlega ofan í sig segir í frétt um blótið en algjör metsala er á þetta sérstaka blót sem fram fer um helgina í 58. skiptið. Sigríður Margrét Guðjónsdóttir er formaður kommablótsnefndar og við spjölluðum við hana.

Frumflutt

30. jan. 2024

Aðgengilegt til

29. jan. 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.