Síðdegisútvarpið

7. nóvember

Við ætlum að beina sjónum okkar að fjármálalæsi ungmenna. Betra fjármálalæsi ungs fólks er sérstakt áherslumál á vettvangi Samtaka fjármálafyrirtækja en Heiðrún Jónsdóttir framkvæmdastjóri SFF segir að þekking á fjármálum sé mikilvæg undirstaða þegar ungt fólk fer út í lífið og til þátttöku í samfélagi sem verður sífellt flóknara. Hún vill sjá fjármálafræðslu sem skyldunám í grunnskóla til að jafna tækifæri ungs fólks. SFF hefur keypt 17 þúsund eintök af bókinni Fyrstu skref í fjármálum eftir Gunnar Baldvinsson viðskiptafræðing og hafa samtökin dreift til kennara og nemenda í grunn og framhaldsskóla. Heiðrún Jónsdóttir kemur til okkar á eftir.

Listaháskóli Íslands hefur sett af stað námskeið í samstarfi við Fjölmennt - símenntunar- og þekkingarmiðstöð, námskeið sem heitir Brúum bilið. Námskeiðið er hugsað fyrir þau sem hafa hug á að sækja um í sviðslistum við skólann og auka þar með aðgengi ólíkra hópa að háskólanámi í þessum greinum. Diljá Ámundadóttir Zoega kynningarstjóri og jafnréttisfulltrúi Listaháskóla Íslands og Steinunn Ketilsdóttir deildarforseti sviðslistadeilda Listaháskóla Íslands koma til okkar á eftir og segja frá

Við ætlum að fjalla um bíllausan lífsstíl í þættinum en á morgun er aðalfundur samtaka um bíllausan lífstíl. Þar mun Davíð Þorláksson framkvæmdastjóri Betri samgangna ohf. halda erindi um Borgarlínu og Saga Garðarsdóttir leikkona segja reynslusögu bíllausrar konu í Reykjavík. Eru margir sem kjósa bíllausan lífsstíl og er það ekki flókið í landi þar sem einkabílnum er gert jafn hátt undir höfði og hér ? Inga Auðbjörg stjórnarmeðlimur í samtökum um bíllausan lífsstíl ræðir við okkur á eftir.

Og eins og venjan er annan hvern þriðjudag þá kynnum við okkur það sem boðið verður upp á í Kveiksþætti kvöldsins. Málin sem til umfjöllunar eru í kvöld eru annars vegar hröð og mikil fjölgun öryggis - og eftirlitsmyndavéla á vegum ríkis og sveitafélaga og hinsvegar verður fjallað um þriðju algengustu dánarorsök Íslendinga - heilaslag. Ingólfur Bjarni Sigfússon og Jóhann Bjarni Kolbeinsson koma til okkar.

Í þættinum í gær barst appið Splitwise í tal í tengslum við viðtal sem við tókum við Albert Eiríksson lífskúnstner fyrir helgi um það hvernig best sé að skipta reikningi þegar hópur fólks fer út að borða. Veltum við því fyrir okkur hvernig Splitwise er notað en á heimasíðu forritsins segir að Splitwise sé auðveldasta leiðin til að deila gjöldum með vinum og fjölskyldu. Milljónir manna um allan heim nota Splitwise til að skipuleggja hópreikninga og sú sem að veit allt um það hvern

Frumflutt

7. nóv. 2023

Aðgengilegt til

6. nóv. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.