Síðdegisútvarpið

25. júlí

Umsjón: Hulda G. Geirsdóttir og Jóhann Alfreð Kristinsson.

Þúsundþjalasmiðurinn Daníel Geir Moritz lenti í heilmiklu geitungaævintýri austur í Neskaupstað þegar hann bauðst til að aðstoða íbúa nokkurn við að fjarlægja geitungabú. Verkefnið reyndist nokkuð viðameira en reiknað var með þegar á hólminn var komið. Okkur lék forvitni á að vita meira og Daníel var á línunni. Úrskurðarnefnd Þjóðkirkjunnar skoðar nú lagalega óvissu sem sögð er ríkja um stöðu Agnesar Sigurðardóttur í embætti biskups Íslands. Skipun hennar hefur verið framlengd tvisvar á síðustu tveimur árum, en hún hyggst hætta störfum á næsta ári. Við ræddum við Pétur Markan biskupsritara.

Þaðan héldum við á Reykjanesskagann þar sem eldgosið í Litla-Hrút hefur nú staðið yfir í rétt rúmar tvær vikur. Þorvaldur Þórðarson, eldfjallafræðingur kíkti til okkar og fór yfir stöðuna. Í Morgunblaði dagsins ræddi hann m.a. þann möguleika að gosvirkni kynni að færast í átt til norðausturs, en því kynnu að fylgja nýjar áskoranir.

Framundan í kvöld er kannski stærsti leikur sumarsins í félagsliðafótboltanum karlamegin þegar lið Breiðabliks mætir danska stórliðinu FC Kaupmannahöfn á Kópavogsvelli í forkeppni Meistaradeildar Evrópu. Ýmsar Íslandstengingar er að finna á milli félaganna tveggja, m.a. leikur sonur Óskars Hrafns Þorvaldssonar, þjálfara Blika með liði FCK. Við tókum aðeins púlsinn á stemmningunni í Kópavogi fyrir leiknum og heyrðum í Kristjáni Inga Gunnarssyni, fjölmiðlafulltrúa Breiðabliks.

Steiney Skúladóttir er á ferð um landið og hún skellti sér um borð í uppsjávarskipið Venus á Vopnafirði og hitti þar fyrir Berg Einarsson skipstjóra.

Sigrún Arna Aradóttir hefur prjónað frá unglingsaldri, en nú í seinni tíð hefur hún líka farið í það að gera prjónauppskriftir við góðan orðstír. Hún hefur nú útvíkkað áhugamálið og selur orðið uppskriftir og garn í gegnum vefsíðu sína. Þar er ýmislegt forvitnilegt að sjá, sem allt tengist náttúrunni á einn eða annan hátt. Sigrún kíkti til okkar í prjónaspjall.

Tónlist:

Friðrik Dór - Bleikur og blár.

Bubbi Morthens - Aldrei Fór Ég Suður.

Klemens Hannigan - Spend Some Time On Me Baby.

Mannakorn - Gamli Góði Vinur.

Lizzo - About Damn Time.

James Taylor - Fire And Rain.

Stephen Sanchez - Until I Found You.

Hr. Hnetusmjör - Eitt fyrir klúbbinn.

Mugison - Stóra stóra ást.

Frumflutt

25. júlí 2023

Aðgengilegt til

24. júlí 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.