Síðdegisútvarpið

7. júlí

Silja Bára Ómarsdóttir er stödd í Hrísey þar sem hún hefur keypt sér hús með nokkrum vinkonum. Þar fer fram mikil hátíð um helgina og við heyrum allt um hana.

Við setjum okur í samband við Hljóðveg 1 þar sem Steiney Skúladóttir verður stödd á Lundaspítalanum í Vestmannaeyjum.

Skjálftavaktin heldur áfram, fréttastofa RÚV hefur staðið vaktina daga og nætur síðan á þriðjudag og fylgist með því sem er að gerast eða ekki að gerast á Reykjanesinu. Dregið hefur úr skjálftavirkni en enn bólar ekkert á gosi. Hvað er eiginlega að gerast? Ásta Hlín Magnúsdóttir fréttamaður kíkir til okkar og skýrir frá stöðunni.

Rúnar Sigurjónsson formaður Fornbílaklúbbs Íslands segir okkur frá fornbílasýningu og fatadegi á Árbæjarsafni, sem haldinn verður á sunnudaginn kemur.

Public House, Sumac og Vínstúkan Tíu sopar ætla aftur að dúka langborð á miðjum Laugaveginum og halda heljarinnar veislu. Einn af þeim er stendur á bak við uppátækið er hinn mjög svo skemmtilega ofvirki Ólafur Örn Steinunnar Ólafsson. Hann mætir á eftir til að útskýra framkvæmd og tilgang hlaðborðsins.

Myndlistarkonan Sunneva Ása Weisshappel rannsakar flókið og marglaga félagsmynstur kvenna í nýrri sýningu sem opnar í Þulu galleríi um helgina. Sunneva er í sólskinsskapi og ætlar að kíkja á okkur og segja frá sýningunni.

Frumflutt

7. júlí 2023

Aðgengilegt til

6. júlí 2024

Síðdegisútvarpið

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.