Síðdegisútvarpið

26.maí

Þann 11.maí síðastliðinn fór í loftið vefsíðan samherji.co.uk. Á vefsíðunni stóð stórum stöfum We?re Sorry og leit út fyrir að vefsíðan væri búin til og sett í loftið af Samherja til þess að biðjast afsökunar á framferði fyrirtækisins í Namibíu og var þar bótum lofað og fullu samstarfi við yfirvöld. Fyrirtækið Samherji sendi frá sér yfirlýsingu sama dag þar sem fram kom að síðan væri alls ekki á þeirr vegum. Nú hefur fyrirtækið fengið lögbann á síðuna og hún hefur verið tekin niður. Listamaðurinn Oddur Eysteinn Friðriksson sem kallar sig Odee stóð á bak við síðuna, hann fordæmir lögbannið og segir þetta hrein og bein rit­skoð­un á ís­lenskri mynd­list og lista­verk­inu sínum. Við heyrum í honum í þættinum.

Það verða heldur betur spenna í þættinum í dag þegar spurningakeppni þáttarins Spursmál fer í loftið. Að þessu sinni mætast leikararnir Svandís Dóra Einarsdóttir og Sverrir Þór Sverrisson eða Sveppi, sem bæði hafa átt stórleik í þáttunum Aftureldingu hér á RÚV. Síðasti þátturinn verður á dagskrá á sunnudaginn. Þema keppninar verður að sjálfsögðu handbolti. Einnig munum við spyrjast fyrir um hugsanlegt framhald af sjónvarpsþáttaseríunni.

Það muna margir eftir sjónvarpsþáttunum Sönn íslensk sakamál en Sigursteinn Másson var umsjónamaður þáttanna og handritshöfundur um árabil en hann var einnig þulur þeirra. Sigursteinn Másson kemur til okkar á eftir en við ætlum að ræða þessa mögnuðu þætti sem nutu mikilla vinsælda og níunda og tíunda áratug síðustu aldar og hafa nú gengið í endurnýjun lífdaga á Storytell.

Ölvisholt vann til þriggja verðlauna á European Beer Challenge stórri alþjóðlegri bjórkeppni, en úrslit voru kunngerð í London í síðast mánuði. Móri vann silfur, Baldur vann silfur og Lava vann gullverðlaun í flokki reyktra bjóra. Keppnin var hörð, þarna var fjöldi bjóra frá 39 löndum. Valgeir Valgeirsson bruggmeistari ætlar að koma til okkar á eftir og segja okkur frá þessu ævintýri öllu saman.

Sennilega eru það ekki margir sem vita að hér á landi er spilað rugby og í Reykjavík er starfandi Rugbygfélag Reykjavíkur. Í kvöld verður vináttu leikur milli þeirra og áhafnar franska herskipsins Chevalier Paul. Birnir Orri Pétursson kemur á eftir og segir okkur frá sportinu, félaginu og andstæðingnum.

Stofnfundur FKA Austurland, Félags kvenna í atvinnulífinu á Austurlandi var haldinn í gær og þangað mættu tugir kvenna. Markmið þessarar nýju deildar er að efla konur, auka samtalið og fjölga tækifærum á Austurlandi. Og á línunni hjá okkur er Heiða Ingimarsdóttir verkefnastjóri upplýsinga og kynningamála

Frumflutt

26. maí 2023

Aðgengilegt til

25. maí 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.