Síðdegisútvarpið

Fastvaxtatímabili lokið,broskallakerfi,vínlaus lífsstíll og þaraböð

Sex eru enn í haldi lögreglu vegna rannsóknar á málefnum Davíðs Viðarssonar sem grunaður er um mansal, peningaþvætti og skipulagða brotastarfssemi er tengist meðal annars veitingastöðunum Pho Vietnam og Wokon. Málið hefur vakið mikla athygli og hafa spurningar vaknað um eftirlit með veitingastöðum og nú hefur formaður Neytendasamtakanna kallað eftir að úttektir heilbrigðiseftirlita verði aðgengilegar almenningi með einföldum hætti en slíkt er gert á hinum Norðurlöndunum. Breki Karlsson formaður Neytendasamtakanna kemur til okkar á eftir og ræðir þessi mál við okkur og segir okkur frá því hvernig þetta er gert annars staðar.

Gunnar Hersveinn heimspekingur og rithöfundur sendi nýlega frá sér bók sem nefnis Vending. Bókin er hugsuð fyrir fólk sem vill endurmóta líf sitt, velja sér gildi, efla kosti og dempa ókosti. Fólk sem vill tileinka sér vínlausan lífsstíl, bæta sjálfsskilning og ná árangri. Bókin byggir að miklu leyti á reynslu Gunnars í þeirri ákvörðun að lifa vínlausum lífsstíl. Gunnar kemur til okkar á eftir og segir okkur betur frá.

Við heyrum í Helga Teit Helgasyni framkvæmdastjóra einstaklingssviðs Landsbankans en hann segir í Morgunblaðinu í dag að hjá bankanum ljúki núna fastvaxtatímabili lána fyrir um 2 milljarða króna í hverjum mánuði og að sú upphæð eigi bara eftir að hækka. Helgi er hissa á hversu fáir séu að bregðast við þessu með einhverjum hætti hvetur fólk til að skoða sín mál og gera ráðstafanir ef að vextir lána þeirra séu að losna.

Félag á vegum Boga Jónssonar athafnamanns fékk á dögunum úthlutaðar fimm milljónir króna úr Uppbyggingarsjóði Suðurnesja til uppbyggingar glæilegrar heilsulindar við sjávarsíðunaí Garði á Suðurnesjum. Verkefni ber heitið Mermaid Geothermal Seaweed Spa og hefur verið í hugmyndaferli í nokkur ár. Við heyrum í Boga í þættinum.

Við heyrum í bæjarstjóranum í Snæfellsbæ á eftir en þar hefur verið tekið í gagnið nýtt rúmgott húsnæði fyrir eldri borgara og Kristinn Jónasson ætlar að segja okkur frá því hvernig eldri borgarar munu koma til með að nýta húsnæðið.

Selfossveitur hafa síðustu mánuði i samvinnu við íslenskar orkurannsóknir og Ræktunarsamband Flóa og skeiða unnið að rannsóknum og borunum til að freista þessa að finna heitt vatn, Vísbendingar eru um að heitt vatn sé þar að finna er verið er að bora við Ölfusá bæði sunnan og norðanmegin og líklegt má telja að endanlegt svar um magn og gæði verið komið eftir uþb. hálfan mánuð. Sigurður Þór Haraldsson veitustjóri Selfossveitna verður á línunni hjá okkur í þættinum.

Frumflutt

11. mars 2024

Aðgengilegt til

11. mars 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.