Síðdegisútvarpið

Síðdegisútvarpið 29. desember.

Um sérhver áramót hafa svo óheppilega orðið slys og óhöpp hjá okkur sem kjósum að handleika flugelda og ýmis önnur veisluföng en förum ekki nægilega gætilega. Góð vísa er aldrei of oft kveðin og við ætlum að fá þá Hjalta Má Björnsson bráðalækni og Jóhann Ragnar Guðmundsson augnlækni til okkar og fara yfir það helsta sem við ættum að forðast fyrir næstu daga.

Við erum mörg sem þekkjum jólastressið og almennt aukið álag á þessa síðustu daga ársins. Einn er sá hópur sem er undir miklu álagi undir áramótin og það eru höfundar og leikstjórar eins vinsælasta sjónvarpsefnis hvers árs, Áramótaskaupsins. Við fáum leikstjóra Skaupsins í ár í heimsókn, þá Fannar Sveinsson og Benedikt Valsson, og sjáum hvort þeir séu enn á nálum.

Um áramót hafa iðulega orðið slys og óhöpp vegna ofsahræðslu dýra við flugelda og hávaðann frá þeim. Ábyrgð þeirra sem skjóta upp flugeldum er mikil, að valda ekki nálægum dýrum ótta og angist og dýraeigendur þurfa að gæta þess að dýrin fari ekki sjálfum sér eða öðrum að voða. Ótti við skyndileg hávær hljóð háir fjölda gæludýra og ekki síður hrossa. Flest dýr verða vör um sig við þann hávaða og ljósagang sem flugeldum fylgja en sum verða ofsahrædd. Við ætlum að heyra í Theodóru Róbertsdóttur dýrahjúkrunarfræðingi á eftir og fá hjá henni góð ráð.

Við ætlum á eftir eins og svo oft áður þegar mikið stendur til að slá á þráðinn til okkar frábæru Tobbu Marínós og spyrja hana hvað hún ætlar að hafa í matinn á gamlárs og spyrja hana hvað við getum gert til að hafa veisluborðið á gamlárs sem huggulegast.

Opununartími sundlauga Reykavíkur er skertur nú yfir hátíðarnar og hafa fastagestir Vesturbæjarlaugar mótmælt því harðlega að sundlaugar borgarinnar skuli standa meira og minna lokaðar á hátíðisdögum þetta árið. Þetta hafi orðið til þess að mikið margmenni hafi skellt sér í sund á annann í jólum og því vart verandi í lauginni. Nú hafa borist fréttir af því fyrirhugað sé að stytta opnunartímatíma allra sundlauga í Reykjavík frá og með 1. apríl næstkomandi í hagræðingarskyni. Margir hafa látið í ljós óánægju sína vegna þessa máls og nú gengur undirskriftalisti á milli til að mótmæla þessum áformum borgarinnar. Einn þeirra sem er ósáttur er Ólafur Egilsson leikstjóri og hann ætlar að setjst niður hjá okkur hér eftir smá stund.

Það eru þau Guðrún Dís og Kristján Freyr sem sitja við stýrið.

Frumflutt

29. des. 2023

Aðgengilegt til

28. des. 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.