Síðdegisútvarpið

16.ágúst

Í vor var hætt að selja 95 oktan bensín blandað allt að 5% með etanóli en í staðin farið einhliða að selja aðeins 95 oktan bensín með 10% etnaól íblöndun. Látið var liggja á milli hluta að upplýsa viðskiptavini, neytendur um E10 breytinguna í nokkrar vikur. Í fréttum af síðu FÍB segir að nágrannaþjóðirnar bjóði upp á mun fleiri valkosti fyrir neytrendur. Þetta getur valdið neytendum alvarlegum skaða, eldsneytið sem boðið er upp á hér á landi henti ekki eldri bifreiðum og ýmsum tækjum og tólum. Runólfur Ólafsson framkvæmdastjóri félags íslenskra bifreiðaeignda kemur til okkar og útskýrir muninn á 98 oktana bensíni, E- 10 eldsneyti og hvaða erfiðleikar geti fylgt í kjölfarið.

Umsjónarmönnum Síðdegisútvarpsins blöskraði nýverið þegar það heyrði íslenskt "nýyrði" í auglýsingu. Hneykslið er svo mikið að það eina í stöðunni var að setja sig í samband við málfarsráðunaut RUV. Anna Sigríður Þráinsdóttir kemur og eftir og mun setja sinn dóm á orðið. Þið hlustendur eruð einnig hvött til að senda okkur þau orð sem farið hafa fyrir brjóstið á ykkur svo Anna geti metið þau.

Ný þáttaröð af Með okkar augum hefur göngu sína í kvöld. Þetta er þrettánda þáttaröð þessara margverðlaunuðu þátta sem vakið hafa athygli fyrir nýstárleg og frumleg efnistök. Steinunn Ása Þorvaldsdóttir og Elín Sveinsdóttir segja okkur nánar frá í þættinum.

Sváfnir Sigurðarson skaust óvænt inn á tónlistarsenuna þegar platan hans Loforð um nýjan dag kom út árið 2016. Nú er þriðja sólóplata Sváfnis að koma út og hún ber heitið Aska & gull. Við ætlum að ræða við Sváfni um ferilinn og spyrja hann út í ástæður þess að við þurftum að bíða svona lengi eftir að hann fékk hugrekkið til að koma tónlistinni sinni á framfæri.

Gunnar Steingrímsson á Stóra-Holti í Fljótum er núverandi íslandsmeistari í hrútadómum. Það mun þó ef til vill breytast um helgina þegar Íslandsmótið í hrútadómum fer fram á Sauðfjársetrinu í Sævangi á Ströndum. Keppnin verður eflaust sú glæsilegasta því það eru 20ár síðan hún var haldin fyrst. Gunnar er á línunni.

Eldar kviknuðu í gróðri í hálendi Tenerife í gærkvöldi og nokkrir bæir hafa verið rýmdir. Íslendingar sem fréttastofa ræddi við hafa lítið orðið varir við eldana. Aðallega búa innfæddir í bæjunum sem verið er að rýma. Við hringjum í Sigvalda Kaldalóns á Tenerife

Frumflutt

16. ágúst 2023

Aðgengilegt til

15. ágúst 2024

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.