Síðdegisútvarpið

Umdeildir kennarar og Facebook-reiði

Menntaskólinn að Laugarvatni náði samkomulagi við kennara um að láta af störfum vegna þess að sá sami lét hatursfull ummæli falla á samfélagsmiðlum. Þetta er ekki í fyrsta og líklega ekki í síðasta skiptið sem slíkt gerist. Það er þó ekki einfalt mál að víkja kennara úr starfi vegna skoðana sinna, þó að þau séu uppfull af mannfyrirlitningu. Formaður félags framhaldsskólakennara, Guðjón Hreinn Hauksson, er kominn til okkar.

Stjórnarkjör í Festi fer fram á morgun og má segja að þar séu athyglisverð átök. Sjö einstaklingar hafa boðið sig fram í fimm stjórnarsæti og tilnefningarnefnd félagsins hafði skilað fimm tilnefningum en þar vakti athygli að Þórður Már Jóhannesson, fyrrverandi stjórnarformaður félagsins, var í framboði á ný – en hann sagði sig úr stjórn í byrjun árs 2022 út af svokölluðu Vítalíumáli. Hörður Ægisson, viðskiptablaðamaður hjá Innherja, kemur til okkar og fer yfir kosninguna og pólitíkina í kringum hana.

Umræðan á samfélagsmiðlum hefur verið ansi harkaleg undanfarna daga, bæði í tengslum við málefni innflytjenda, söngkvakeppni sjónvarpsins og svo mætti lengi telja. En hvað veldur þessu mikla hatri og af hverju finnst okkur það í lagi að skrifa einhvern óhróður um menn og málefni t.d. á facebook ? Svarið er líklega ekki einfalt en Óttar Guðmundsson hefur tjáð sig um þessa hegðun og skrifaði m.a. grein í DV nú síðast í desember um Facebook-reiðina. Við heyrum í Óttari í þættinum.

Vondar fréttir fyrir nammigrísi, kakóverð hefur snarhækkað. Það er þó ekki svo slæmt að það hafi mikil áhrif á verð páskaeggjanna í ár, en hvað með næsta ár? Þorlákur Þór Erluson, framkvæmdastjóri Omnom, kemur til okkar og talar um súkkulaði.

Hefur þig alltaf dreymt um að stjórna parísarhjóli? Sá sami hefur aldrei verið jafn nálægt því að láta drauminn rætast, en borgin leitar að aðilum sem eru tilbúnir að reka paradísarhjól í miðborg Reykjavíkur og auglýstu eftir þeim í dag. Dagur B. Eggertsson, fyrrverandi borgarstjóri og oddviti Samfylkingarinnar í Reykjavík verður á línunni.

Valur Grettisson og Hrafnhildur Halldórsdóttir eru umsjónarmenn þáttarins í dag.

Frumflutt

5. mars 2024

Aðgengilegt til

5. mars 2025

Þegar fyrsta hluta úthlutunar leikskólaplássa í Reykjavík lauk föstudaginn 10. maí höfðu foreldrar rúmlega 1700 barna fengið boð og þegið vistun í borgarrekna leikskóla.

Hildur Lilja Jónsdóttir, fagstjóri leikskóla í Austurmiðstöð sem einnig er í innritunarteymi skóla- og frístundasviðs kemur til okkar á eftir og fer yfir stöðuna í þessum málaflokki með okkur.

Halla Hrund Logadóttir forsetaframbjóðandi verður síðan hjá okkur í seinni hluta þáttar á grillinu eins og við höfum kosið að kalla þennan dagskrárlið. Við spyrjum Höllu spjörunum úr og freistum þess að kynnast henni betur.

Alþjóðaheilbrigðismálastofnunin WHO telur að akstur vegna farsímanotkunar sé einn stærsti áhættuþáttur umferðarslysa í heiminum.

Allt bendir til þess að fólk sem notar síma við akstur sé fjórum sinnum líklegra til að lenda í slysi. Þá er tuttugu og þrisvar sinnum líklegra að fólk sem les og eða skrifar skilaboð meðan á akstri lendi í slysi. Nú hefur Samgöngustofa í samvinnu við tryggingarfélagið Sjóvá ákveðið að hrinda af stað herferð gegn farsímanotkun sem ber yfirskriftina "EKKI TAKA SKJÁÁHÆTTUNA" Það er hættulegt að tala í síma undir stýri. Gunnar Geir Gunnarsson deildarstjóri öryggis- og fræðsludeildar Samgöngustofu kemur til okkar.

Íbúar í Ölfusi eru að fara að kjósa samhliða forsetakosninunum um hvort þeir vilji breyti á deiluskipulagi þannig að mölunarverskmiðja Hedelberg geti risið í næsta nágrenni við Þorlákshöfn. Það er búið að boða til íbúðarfundar í kvöld og hingað er komin Ása Berglind Hjálmarsdóttir bæjarfulltrúi í minnihluta bæjarstjórnar Ölfuss.